Lucas 14:27 - Nuevo Testamento Toba Maskoy

²⁷ Enenlhet mankonmahai'a la epatmok akientalhnema malha iamet aktenneskama apankok, heieplok na ko'o, mankoietok etnek askeltameskama.

Lucas 14:27 Iomraidhean Croise

Marcos 10:21

Apkelanei'avek nak Jesús apketkok anak, apkamelaiangka lhnak ma'a, lhna aptemak apkanemo: —Lhema qaselha nkaimelhkak elana', elieniav hata lhamakho apanko'ok anak, etenia ta akianmoma patakkom kakpota ellangkok metka nak apkelletsekama, kakpota heieplomaha'. Ka apto la m'a, ngkoitek hata ngkeskama qaselha apanko'ok anmennave m'a neten —lhna aptemak Jesús.

Marcos 15:21

Neksa apkeliantemekha lhnak Jesús soldados ma'a, apkelvetangveiakmo lhnak lhema enenlhet apkeniekta iokhalhma apvesai'a Simon ko Cirene. Apqanet nak apketkak ma'a, Alejandro kakpota nhan Rufo apkelvesai'a m'a. Apkellapekama lhnak soldado apkeleltemo epasmok Jesús kakpota epatmok esakhak iamet aktenneskama akientalhnema.

Lucas 14:28

Nkaimelhkek sekhek nkolietnama apaqto'ok amanie apkenmahai'a etnangkok helieplekama, malha enenlhet apmahai'a la ellanak pa'at akiavai'a, amanie sekhe nkoietnama apaqtek akvanlha akianmoma la patakkom.

Juan 19:17

Aplhengke lhta Jesús ma'a akieplomo iamet aktenneskama apatama akvakho iokhalhma akvesai'a Golgota, hebreo apkeltema koka aknaiangkolha ientepak nema apqatkok.

Hechos 14:22

Ka apkeleltemo lhnak amaika'a apkellelto nema altamesaikamok ma'a, apkeliateikokho lhnak na etlhengkesek meliaskeiam Jesús ma'a, lhnak aptaiangkok ma'a: —Annengangkok hata akiavai'a akientalhnema nenmak'o la antalhnengvomok akieto nak ma'a aptemakha apveske Eniapom Neten —lhna aptaiangkok ma'a.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

2 Timoteo 3:12

Have niapak ankek ellengangkok hata nema akmenlhenaikama aplhamakho apkellelto la apkenmahai'a ellanangkok qaselha altaqmelo aniem'o nhan apkelleliehekho Cristo Jesús,