Lucas 14:23 - Nuevo Testamento Toba Maskoy

²³ Ka apkapaskamo lhnak mokhom apveske apankok, lhna aptemak: "Eniakha ta mokhom kolhvave nak nepiava temma, eleltennasamok hata enenlhet apkelvet'akha la'a ellana ta elelhiemok hengke'e kakpota elanok asnemakha nak.

Lucas 14:23 Iomraidhean Croise

Lucas 14:22

Ka apmeiekho lhnak nema annengkasekama m'a, aplaqlosengvekho lhnak enenlhet'avok ma'a, ka aptaqhemo neptamen, lhnak aptemak: "Apveske askelan'ak apkeltakha lhkek alana', avanhek lhma mokhom aplhamo la enenlhet", lhna aptemak.

Lucas 14:24

Moltok ko mokhom elelhiemok ma'a apmaniaie lhkek askeltema elpasengvatak nentavekha nak", lhna aptemak.

Lucas 24:29

koka apkelleltemavek nak elhnekhak apketlhelhma'ak ma'a, lhnak aptaiangkok: —Eniaio nhan lheiap hengke'e, ienaqteske —lhnak aptaiangkok ma'a. Ka aphaivomo lhnak na Jesús ma'a natemma nak, apnemo nhan lhemek ma'a.

Hechos 16:15

Netamen alhta akno aklavkeso konne iemmen kakpota nhan lhamakho aknemolhema, lhta ntak hengellano aioselhko m'a: —Atlheno la apvalho'ok ketlhengkap asto ko'o have niapak moi'askeiam Apveske, ntasek eniakhengvakhak asnemakha —lhta ntak hengellano. Hengelienlhanakmave lhta ngkelvana lhta m'a akvakmo lhta nellasekhangvakmo nhan ennengko'o.

Hechos 18:6

Apkellammelhmek noka judios ma'a kakpota nhan apkeltaknongvekha Pablo m'a, ka apalhnelhkaiangka lhnak aptalhnema Pablo apkeltemakha lhna mota judios ma'a, lhna aptemak apkellanemo: —Ema apanko'ok apankavek hata nkopallentak takhalhet apqatko'ok anak ketlhengkap, have ko'o aniemai'a nema aliaqmongkaskesekha nak apkeltemakha, kolhva amhangkok hata m'a atlhekmoskamok apieseksek anak metnangko nak judios —lhna aptemak Pablo.

Hechos 28:28

Ka nkeniemai'ak nenvongkasemmalhka nak tep apketlhevangveiakmo m'a metnangko nak judios, ellailhok hata nhan ma'a.

Hechos 9:15

Koka lhnak aptemak mokhom Apveske apkanemo: —Eniakha ta panke, ko'o askeliekieskama m'a enenlhet anak kakpota elhenek asvesai'a apieseksek metnangko nak judios, kakpota nhan apieseksek apkeliav'akha apkelveskaie apanko'ok, kakpota nhan apieseksek israelitas.

Romanos 10:18

¿Ma nlho ellengai'a niekhe ania'a, he? Mma', apkellengai'a niekhe have niapak ankek aplhamakho apankavek ania'a, ka aktemo nak aktalhesammalhka Vakkahak Eniapom Neten apaivoma hengke'e: «Ka apkelpaqmetekama nak apkelleltennasemmap ania'a ntepkek lhamakho eiempek, kanhan aktakha nnelha nkek lhepop ngvakmek ania'a m'a»

2 Corintios 5:11

Neliavek ennengko'o ntasek angellaho mota Apveske, angelienlhanmangkok na nellannengvaiam enenlhet'avok kakpota meliaskamek ma'a. Apiavek Eniapom Neten iokhalhmek netlheianma ennengko'o, askeltave niekhe nhan eliohok ketlhengkap.

2 Corintios 5:20

Hai, ennengko'o hengellapaskama Cristo kakpota angelleltennaksek ania'a ketlhengkap, malha la nhan Eniapom Neten apkellasnekama napaqtavek ketlhengkap. Akieplomo apvesai'a nak Cristo nellasnema ketlhengkap neleltemo ellasekhekhok mokhom, eleliehekhok nahan Eniapom Neten.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Colosenses 1:23

Nkaimelhkek eliennakteksek meliaskeiam anak, metka apkelieniekha m'a alel·halhnekama apvalho'ok elvetak hata aktaqmanma aniem'o ania'a aktaqmanma apkellengai'a lhta, nema aleltennaskamo mota lhmankek ham. Ko'o nhan askeleltennaskama ania'a nak aniem'o lhta heiapaskama Eniapom Neten.

Colosenses 1:28

Ennengko'o nelpaieskek ania'a aplhenammap Cristo, nellaskek na qaselha, netlhekmosenke mota akieplomo akiavai'a nkek neliangveiakmo kakpota etnangkok aliennaktema nkek apvalho'ok ketlhengkap apkanemakha nhan etnangkok Cristo m'a.

2 Timoteo 4:2

askeltavek na ko'o eltennaksek ania'a metka apkelvateskaiam lheiap ma'a, niekhe apvetai'a ngkolatsekama, aktaqmanma, nheklhek hato ka etnek aplhengkeskama m'a. Etneskes hata nhan malha apkeliangveskeskekho meliamolhma m'a, ennaves hata nhan, eleliatekho ta nhan etlhekmosangkok metka apkelpekheskama lheiap ma'a.