Lucas 12:8 - Nuevo Testamento Toba Maskoy

⁸ —Apkeleltennaskek hata nkek ketlhengkap heliekpelkemelha napaqtavek enenlhet'avok, Enenlhet Apketka nak etlhenek hata nhan apkeliekpelkemelha ketlhengkap napaqtavek ángeles apanko'ok Eniapom Neten.

Lucas 12:8 Iomraidhean Croise

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

2 Timoteo 2:12

Ka nengvaskapo la nhan neksa nellengaiangko akientalhnema metka nengai'a nhan, antangkok hata malha apkelveskai'e lhemek ma'a, kanhan nenlheno la mangiamo apvesai'a Cristo, elhenek hata nhan manghengiamo m'a.

1 Juan 2:23

Enenlhet apto la aptaqnongkoma Apketka nak ma'a, aptaqnevakkek na m'a Apiapom anak, koka apto la nhan enenlhet apmama takha Apketka nak ma'a, apmek na takha Apiapom anak ma'a.

Apocalipsis 2:10

Koka meniaga nkek akmak'o ta nkovak aplengaiangko lheiap. Moklhem'a ta apieseksek anak ketlhengkap ngkolhek hata allaklhengkaso nemmammalhkelha aniem'o aveske keliaqhameio' kakpota nhan ngkolhek aliepkono m'a, ellengangkok hata akvakmo 10 aknem. Ka apvaskapo ta lheiap m'a akvakmo apketsepo niekhe, ko'o ta angvangkok akianmoma apnaksepma akvesai'a akiennaktema apneniek mokhom".

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.