Lucas 12:17 - Nuevo Testamento Toba Maskoy

¹⁷ Mang nak eihamok apkakheskeianlha akielhna apnaklhema m'a,

Lucas 12:17 Iomraidhean Croise

Lucas 10:25

Lhema hengetlhekmoskama ley Moises apkenmalhnengvai'o lhnak Jesús apmahai'a eiepkonek, lhna aptemak: —Hengetlhekmoskama, ¿ko la atnek ko'o kakpota ngkoitek akiennaktema eneniek nkotnengvaianlha nnelha? —lhna aptemak.

Lucas 11:41

Nkaimelhkek ellangkok qaselha apanko'ok anak metka nak apkelletsekama kakpota nkollalhnekhak apvalho'ok ketlhengkap.

Lucas 12:16

Ka apkeleltennaseiangka lhnak Jesús lhema apietkeskama m'a, lhna aptemak: —Lhema lhnak enenlhet nema apketsekama nietnengkek nak akiavai'a lhepop apankok ma'a, apnaklhengkek nak na akiavai'a nkek aklhamakma akielhna m'a.

Lucas 12:18

lhna ntemak aklheianmo apvalhok: "Hai, atvasekhak hata ko'o pa'at apak aknaiangkelha aktek ehenkok, alanekhak hata alhnankok pa'at akiavai'a nkek kakpota altakmelkesek lhamakho aktek asnaklhema m'a, kakpota nhan lhamakho qaselha ehenko'ok konne.

Lucas 12:22

Netamen nak Jesús ma'a lhna aptemak apkellanemo apkeltamesaikamok: —Moltama nke mota apvalho'ok selha etavangkok ke kakpota nkoliennakteksek, kakpota nhan se lha elentalhnekhak ietamopai'a ie'.

Lucas 12:29

Ka stak askellano mokhom ketlhengkap, moltama nkek apvalho'ok selha etavangkok ke, kakpota nhan einangkok.

Lucas 12:33

Eklhamok hata akietnakha la qaselha apanko'ok, eltenia ta akianmoma patakkom kakpota ennaskekhak apieseksek enenlhet metka nak apkelletsekama, kakpota ngkoitek ketlhengkap ngkeskama apkeletsekama m'a akieto neten mankotnengvaianlha nnelha'. Mamma enenlhet apmenielhma m'a kakpota nhan mamma askok veneng aptevaskama la qaselha m'a.

Lucas 16:3

Ntaikama lhnak apvalhok apmakmesaikama m'a ngkanek mankapvanak emakmama mo'ok aktemakha apmakmekama, ka kto nak nemmetama malhek, mang nak na nkomahai'ak emongkalhnama m'a, aklheianmo lhnak apvalhok emangkak hata m'a.

Lucas 16:9

Ka stak ko'o askellano ketlhengkap, enmama ngkeskama nak netsekama nkolietemo kakpota etnangkok apkeltaiangkolha apketlhelhma'ak nengaqtek, neksa aksavhommalhka ta m'a ngkeskama nak netsekama, ngkolhek hata anmo takha ketlhengkap ma'a apkakhaiangkolha mangkotnengvaiam annelha.

Lucas 18:22

Koka lhna aptemak Jesús apkanemo: —Lhema qaselha nkaimelhkak lheiap etnehek, etlhak lhamakho apketsekama apankok, etenia ta akianmoma patakkom kakpota ellangkongvomok patakkom metka nak apkelletsekama kakpota heieplomaha. Netamen ngkoitek hata lheiap ngkeskama apketsekama m'a neten —lhna aptemak ma'a.

Lucas 19:17

Koka lhna aptemak apveske apkatemmoiangka: "Ntasek anko ie', lheiap apto heliehekho, ketse lhta niekhe aspekkenkasekha patakkom, apvankek koka etaqmelkesek lheiap. Kolhvave nak atneskesek hata apveske 10 natemma lheiap", lhna aptemak ma'a.

Lucas 3:11

Ka apkellatemmoiangka lhnak mokhom Juan, lhna aptemak: —Apietnek hata nkek apqanet apkelaqlammap ketlhengkap, eniamok hata lhema po'ok metka la apkaqlammap. Nietnek hata nkek aptekamok ketlhengkap, eniamok hata nhan po'ok metko la aptoma —lhna aptemak apkellatemmoiangka Juan ma'a.

Hechos 16:30

Ka apkelentepkeskamo lhna lhta iokhalhma apkelaklhengkasemmap ma'a, apkelelmalhneiangka lhna lhta nhan, lhna lhta aptemak ma'a: —¿Ko la atnek ko'o avongkasalhkak tep, he? —lhna lhta aptemak.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Romanos 12:13

Etnamo ta mota apkenmahai'o elpasmok apkelpokkenammap metka nak apkelletsekama, enmamok hata mota takha amaika'a apankok la'a.

1 Timoteo 6:17

Elelto ta nhan lheiap menianek ellakpok apkellelto nak nema apkelletsekama nenvanlha nak, mellanek na nkolhnangkok alel·halhnekama apvalho'ok aniem'o nkeskama apkelletsekama ngkanek nkomaskengvomok hata m'a. Koka ntasek ma'a nkolhnangkok alel·halhnekama apvalho'ok aniem'o Eniapom Neten, hengellaiangko nhan nkeskama qaselha aimommalhkelha la m'a kakpota nkoltaqmelek nellaniemhaikama m'a.

1 Juan 3:16

Hengelvetaskaske lhta Jesús nentemakha nengasekhai'o emmo'ok neksa apketsepma lhta m'a henianmoma ennengko'o, ntasek na ennengko'o angankoho aklhamakho aimommalhkelha la'a akvakmo nhan nengetsepo akiaqmoiekha m'a emmo'ok.