Lucas 11:9 - Nuevo Testamento Toba Maskoy

⁹ Ka stak na askellano ketlhengkap kolhvave nak: Elelmalhnama ta kakpota ngkolhek allangko m'a. Elketam hata nhan kakpota elvetekhak m'a. Elvenama ta akieto atong kakpota ngkolhek aklekkaso atong ma'a.

Lucas 11:9 Iomraidhean Croise

Marcos 11:24

Have niapak ankek lhamakho qaselha apkelelmalhnengko la akieplomo meliaskeiam, etlhevangkok hata nhan ma'a.

Marcos 13:37

Ka stakha nak askellano ketlhengkap kakpota nhan aplhamakho enenlhet'avok lhmankek ham ¡Elelketna mota! —lhna aptemak.

Lucas 11:10

Apkellelto la apkelelmalhnekama, ngkolhek hata allangko m'a. Apkellelto la apkelketansema, elvetekhak hata m'a. Apkellelto la nhan apkelvenekama akieto atong, ngkolhek hata nhan anmaieskaso atong m'a.

Juan 14:13

Elelmalhnama ta akieplomo asvesai'a nak apkeleltakha la qaselha, allangkok hata ko'o, netamen enenlhet'avok anak eliavenkaskesama ta nhan apvesai'a Eniapom aniem'o aptakha apkelanai'a Apketka.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 15:7

Apketlhengkaso la helpasmekama ketlhengkap, apkelleliahakho la nhan aspaioma, elelmalhnama nhan apkenmak'akha la'a, ngkolhek hata allangko m'a.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

2 Corintios 6:2

Ka ktemo nak na aktalhesammalhka vakkahak Eniapom Neten Apaivoma hengke'e: «Nietavek anke lhta asleng'o m'a, aspasmo nhan aknem ankok alhta songkek nenvongkasemmalhka nak tep», ntemak ma'a ¡Koka kolhvave nak nietavek ankek aknem ankok nenvongkasemmalhka nak tep!

Hebreos 11:6

Apiaskeiam la enenlhet mankolkek apvalhok Eniapom Neten ma'a. Enenlhet apmahai'a la eteteskakhak Eniapom Neten nkaimelhkek amanie sekhe mei'askamek apnema m'a, mei'askamek na m'a ellangkok hata akianmoma apkellelto la apkelketansema mota m'a.

Hebreos 4:16

Ka ngkanek ntasek angelteteskakho mota ennengko'o m'a metka nengai'a napokha aptanema Eniapom Neten apto niapom hengamelaiam. Apiosek hata nhan hengellanhok ennengko'o m'a, hengelpasmok hata nhan akvo'o la aknem akientalhnema ngkanek apto apiamolhma apanko ie'.

Santiago 1:5

Koka moklhem'a la ketlhengkap metka apkeliangveiakmo, ntasek elelmalhnama mota Eniapom Neten ngkanek apto nhan ma'a akleklemo mota apvalhok hengankok qaselha, metnak na hentaqheskamo la'a.

Santiago 5:15

Ka apkelelmalhno la akieplomo meliaskeiam ma'a, etaqmalvomok hata akmaska apiempek anak. Apveske Jesús hata emaskeskesek aplengaiangko m'a, akietno la nhan ngkolatsekama apkelanai'a, etneskesama ta nhan apankek ma'a.

1 Juan 3:22

Hengellangkok hata nhan ma'a qaselha nenmalhnengkolha la m'a ngkanek neleliehekhave mota m'a apkanemakha antangkok, nellaneiangkek na akleklemelha la apvalhok ma'a.

Apocalipsis 2:24

Koka ketlhengkap ham ko Tiatira apkellelto nak melieplavkeskama atlhekmosekamok ngkelvana nak, meteniaikamok na atlhekmosekamok akvesai'a qaselha akielhammalhka konne ankek aniem'o m'a ankok Satanas, vanlha askeltavek ko allangkok lhema aspaioma.