Lucas 11:13 - Nuevo Testamento Toba Maskoy

¹³ Niekhe meliamolhma nak ketlhengkap apvanka'ak koka ellangkok qaselha altaqmelo apketkak ketlhengkap. Koka Apkeliapma'ak anak ketlhengkap neten anak tep ankek apiamolhma apanko ie, haveniapak ankek hata ellangkok Espíritu Santo apkellelto la apkelelmalhnekama m'a —lhna aptemak Jesús apkellanemo m'a.

Lucas 11:13 Iomraidhean Croise

Lucas 11:12

Nlho ka la apkelelmalhnengka la'a tape'e appok, ¿ellangko nlho iettaha'?

Lucas 11:2

Ka apkatemmoiangka lhnak Jesús ma'a, lhna aptemak: —Hai', etnamok hata hengke'e: Eniapom apno m'a neten, ntasek elpokkenek apvesai'a lheiap enenlhet'avok. ¡Elheng, etne ta apiav'akha apveske engankok lheiap! Lhamakho alloma nak nalhepop nkoleliehekho ta mota'a, ka aktemakha nak alloma nak neten alleliehekho nak ma'a.

Lucas 18:7

Eniapom Neten hata nhan epasmok ma'a apto enenlhet apkeliekieskama apkelienlhaneiakmo la'a apkenmalhnonkoma mota aknem anke kanhan pelhasep, melailhek hata nhan m'a,

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Romanos 5:17

Aveske lhta ntemak nengetsepma nak apieseksek enenlhet'avok aniem'o lhta lhema enenlhet meliehekho apkaskamakha Eniapom Neten. Kolhva koka nkoltemeskesek hata apkelientalhnemo apkellelto apketlhevaikamok alhnankok apkellangiemhaikama, nema altemeskeskama nhan apkelpeivomo metka akianmoma aniem'o lhema enenlhet apvesai'a Jesucristo.

Romanos 7:18

Aliaspongkomakha nak engelvalho'ok hengeliatengkek angellanangkok qaselha ngkolatsekama, niekhe mangeleltemo angellanangkok ma'a, koka nellanengkek ma'a.

Romanos 8:32

Apkeltave lhta Eniapom Neten eniangkok apketka kakpota enietsepok hengeliaqmoiekha ennengko'o, have niapak anke hengellangkok hata nhan alaimommalhkelha la qaselha ennengko'o.

Tito 3:3

Ennengko'o lhta nhan malha nengelelto metka enqatko'ok la'a, mangeleliehekho nhan ma'a, malha lhta nhan neltaiangko netlheneiam la'a, hengenmaikama lhta nhan lhamakho aktemakha aletsepma ennenio'ok anak, nkelleklemave lhta nhan engelvalho'ok nellanengko la qaselha ngkollatsekama. Neten anke lhta mongeliamolhma, neliasepkeskama nhan, neltaqnongvekhe lhta emmo'ok engankave nenieseksa m'a, kanhan hengeltaknongkongke lhta nhan enenlhet.