Lucas 10:37 - Nuevo Testamento Toba Maskoy

³⁷ Ka apkatemmoiangka lhnak hengetlhekmoskama henganemakha, lhna aptemak: —Ka apasmoma lhkek po'ok, apietnai'o lhkek na napa'at po'ok —lhna aptemak. Koka lhna aptemak mokhom Jesús apkanemo m'a: —Hai', etne ta nhan lheiap ma'a —lhna aptemak Jesús ma'a.

Lucas 10:37 Iomraidhean Croise

Lucas 10:36

Ka apeneskamo lhnak apkeltennaikama Jesús ma'a, apkelmalhneiangka lhnak hengetlhekmoskama henganemakha nak, lhna aptemak: —¡Ngva', elhennoho! ¿Se lha po'ok maie enenlhet lhek apnaqtevaskama lhkek apkenmenielhma, he? —lhna aptemak.

Lucas 10:38

Ka apkempekho lhnak mokhom Jesús aplhengama, apvekho lhnak lhema natemma m'a, akmamo lhnak takha lhema ngkelvana akvesai'a Marta.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

1 Pedro 2:21

Neksa apkellavekama lhta Eniapom Neten ketlhengkap apiamave lhtoka nhan elvetak hata akientalhnema aniem'o aknaikamok apkelleliehekho ma'a, ka aptemo lhta nhan Cristo aplengaiangko aniem'o apkelpasmoma ketlhengkap, apkeleltemo lhta nhan ketlhengkap elvanangkok ma'a aptemakha.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.