Lucas 10:34 - Nuevo Testamento Toba Maskoy

³⁴ Ka aptetesaiangko lhnak ma'a, apkeltelhnaskesaiangko lhnak ponha aceite kanhan vino akieto apiensema. Apelhketkeskamo lhnak na m'a, apkanetkeskamo lhnak na apkanantema, apiantemekho akietelha apkakhengvekhelha amaika'a, aptaqmelkeskamo nhan ma'a.

Lucas 10:34 Iomraidhean Croise

Marcos 14:8

Ka heng ngkelvana nak nkelan'a niekhe avankelha la nkolana, nkeltelhnangkek epatek aceite akmases aimes. Mpenesavek alanei'o asiokha amanie knema akpekkanveiam hata m'a nemakha aklhengkeskaianlha enghapak.

Lucas 10:33

Ka apmeiekho lhnak na mokhom lhema enenlhet mankotno nempaivoma lhema apkeniem'o Samaria, apvetai'o nhan apietnakha enenlhet, apiosek noka apkellanei'o m'a.

Lucas 10:35

Lhema aknem na ntemak akiekai'a m'a, apmahai'o lhnak eniempekhok mokhom aplhengama enenlhet apiamolhma nak, ka apkaiangko lhnak patakkom hanet denarios apto apankok pa'at nak ma'a, ka aptemo lhnak apkanemo: "Etaqmelkes hata enenlhet anak apiensema, mang hata nkek nkovakhak patakkom lhek askaikamok, mo'ok asvekta ta allangkongva ta mokhom alaimommalhka", lhna aptemak.

Lucas 2:7

Mamma lhnoka nkakhengvomok apkakhaiangkolha la amaika'a kakpota nkotengkesek atka m'a, vanlha lhnak alvetangveiakmo aktoiangkelha nema aknaqtoskama. Ka apteiaiakmo lhnak ma'a apmanie pankek apteiam atka, akpelhketmo lhnak na ietamopai'a, akpekkanmo nhan konne aptoiangkolha nema aknaktoskama.

Romanos 12:20

Mek hata nkek nkaqhak apkammelhmakha lheiap, eniamok hata aptoma m'a, aknem hata nke nkaqhak, eniamok hata nhan iemmen ma'a, netamen ekposama ta napa'at ma'a aniem'o apmangkangvekha.

1 Tesalonicenses 5:15

Mellanko nkek eliaqmongkaskesekhak po'ok apkellaneskeskama la ngkolatsekama, ntasek koka mota eteniangkok ellanangkok qaselha altaqmelo apieseksek anak ketlhengkap kakpota nhan apieseksek po'ok anak enenlhet.