Lucas 10:2 - Nuevo Testamento Toba Maskoy

² Lhna aptemak apkellanemo: —Have niapak, avanhek ankek apaktek nennaklhema ta, koka apkanet apankek ma'a apkenmakmekama nak. Elelmalhnama ta apto apankok apaktek aknaklhemmalhka ta kakpota ellapaksek apkenmakmesaikama ellankesokhak na m'a.

Lucas 10:2 Iomraidhean Croise

Marcos 13:34

Malha aptonak apveske la aplhengama nak, apnengkenkasekha nak apaivoma apkenmakmesaikama kakpota ellaneskasama apnemakha m'a. Moklhem'a nhan ellangkok apkenmakmekama ta neptamen, lhema nhan apkelanekama atong pa'at ma'a.

Marcos 16:15

Netamen lhna aptemak Jesús apkellanemo apkeltamesaikamok: —Enmamok hata ketlhengkap lhmankek ham, eleltennasamok hata ania'a aktaqmanma m'a.

Marcos 16:20

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.

Lucas 9:1

Apkankesekhek nak Jesús 12 apkeltamesaikamok ma'a, apkellaiangko lhnak na apkelientalhnemo kanhan apkenmopvanka'a kakpota eltaqmelkeskamok anmaska apiempeiok la'a, elentepkeskasangkok na lhamakho aktemakha kasekapok av'alho'ok anmaikama enenlhet'avok.

Hechos 11:19

Netamen apmatnama lhnak Esteban ma'a, ampai'akha lhnak aknema akmenlhenaikama apkellelto meliaskeiam. Moklhem'a lhnak apkenmaiangkok apkeniaikamok akieto Fenicia, Chipre, kakpota nhan Antioquia, ka apkeleltennaskeiakmo lhnak Eniapom Neten apaivoma m'a apkelvaianlha la'a. Vanlha lhnoka apkellelto judios ma'a, man noka eleltennaskamak metnangko nak judios.

Hechos 13:2

Lhema knem na ntemak ma'a apkeliavenkaskesaiangka lhnak apvesai'a Apveske kakpota nhan apkellakhaskesammakpok mek, koka lhna aptemak apkellanemo Espíritu Santo m'a: —Heliekieskasamo ta Bernabe kakpota nhan Saulo, allangko ta apkenmakmekama —lhna aptemak.

Hechos 13:4

Netamen nak apketlhengamo apkenmaiangko Seleucia aniem'o Espíritu Santo apkeleltennaskama. Apkelkanetvaiakmo nhan loma nemmen akiavai'a m'a, apkenmaiangko m'a apkel·halhtepelhketmo iemmen akvakmo akiakiengveiam lhepop akhalhiengkaiam iemmen akvesai'a Chipre.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Hechos 8:4

Koka apkellelto lhnak nema alhpankeskama m'a, apketlheianveiakmo lhnak ania'a aktaqmanma apkelvaianlha la m'a.

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 15:10

Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Filipenses 2:21

koka napokha enenlhet'avok anak apteniangke mota apanko'ok apankavek qaselhaha, moka ellanengkok apkellanemakha nak etnangkok Jesucristo.

Filipenses 2:25

Askanek ko'o ataqhesok hata neptamen enialheng Epafrodito mokhom ham, apto hepasmoma mota asmakmekama, alhelhma nhan malha askennapommalhka. Apkellapaskama lhta ketlhengkap kakpota hepasengvatak aimelhkelha la'a ko'o hengke'e,

Filipenses 2:30

Niekhe atlhengkeskama lhta enietsepok aniem'o apieplavkeskama apkanemakha Cristo, nketlhengkaske lhta nhan enietsepok aniem'o hepasmoma ko'o ngkanek taiepek apkakhaiangkelha ketlhengkap mankollapvankek elpasengvatak hengke'e.

Colosenses 1:29

Avanhek na askeliephaiekho asmakmekama akieplomo asiennaktema, asmopvana nhan aniem'o Cristo.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

1 Tesalonicenses 2:9

Nketlheianvakhavek kelha apvalho'ok ketlhengkap elialheng'a akiavai'a nenmakmekama akvaiakmo lhta neliampei'o lhamakho aknem apieseksek anak ketlhengkap ham, nekha emmeio'ok alhto ka neleltennaskama ania'a aplhenammap Eniapom Neten, nekha emmeiok alhto ka nhan akiavai'a nenmakmekama kakpota mankolientelhek apvalho'ok ketlhengkap hengellangko nlho lhamakho qaselha alaimelhkelha la'a ennengko'o.

1 Tesalonicenses 5:12

Ketlhengkap elialheng'a, nengeleltavek ennengko'o ellahok apkelemhama apmaniaie apanko'ok apkenmakmekama mota akientalhnema m'a, apkennaveskama mota kakpota nhan apketlhekmosekamok aktemakha Apveske engankok.

2 Tesalonicenses 3:1

Engelialheng'a, nengeleltavek na ennengko'o hengellelmalhneskesek kakpota envanka'ak angelpaiaksek ania'a aplhenammap Apveske lhmankek ham kakpota ngkotnek na aktaqmanma apkenmaikamok takha enenlhet'avok ka aktemo lhta ketlhengkap ham apieseksek anak.

1 Timoteo 4:10

Ka ngkanek na ennengko'o nenteniaiangkavek eniempeiok nenmakmeiangka, nellammelhmek na hengellammelhmakha la'a ngkanek nietnek alel·halhnekama engelvalho'ok hengelpasmok hata Eniapom Neten apto metnenvaiam annelha, apto nhan hengelvonkeskama tep aplhamakho enenlhet'avok, tep ankek ma'a apkellelto la meliaskeiam.

2 Timoteo 4:5

Koka lheiap etne ta apmopvana emankok apvalhok apvet'o la lhamakho qaselha ngkolatsekama, evaskap hata nhan neksa akvai'a akientalhnema, etne ta mota aptema evangelista lheiap, elana ta mota nhan aktaqmelo apkasennaikama Eniapom Neten.

Filemon 1:1

Ko'o Pablo askaqlhengkasemmalhkek aniem'o heiasennaikama Jesucristo, alhelhma nhan hengke'e stema eialheng Timoteo, nketlhenkek engelvalho'ok lheiap Filemon apto nentemo lhemek nellamelammalhko mota nenmakmekama,

Hebreos 3:6

Cristo koka apto Apketka, apiamolhma apkeltakmelkeskamo mota pa'at apanko'ok Eniapom Neten, ennengko'o m'a malha pa'at netlhengkaso la mota nentaikamok mongeliaskeiam metka nengelvateskaiam, kanhan nkolel·halhnama engelvalho'ok qaselha altaqmelo nkolvak hata.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a: