Lucas 10:11 - Nuevo Testamento Toba Maskoy

¹¹ "Nelpalesakmek lhepop aktek enmanko'ok hengke'e natemma nak aniem'o nengeleltemo nkovak akiaqmoienta ¡Ellaho ta ketlhengkap nkanketva'ak aknem etnekha apveske Eniapom Neten!" hata etnangkok ellanak apkellelto apkeltaknongkoma ketlhengkap ma'a.

Lucas 10:11 Iomraidhean Croise

Marcos 6:11

Mang hata nkek enmakpok takha m'a, kakpota nhan mankonmak'o la ellailhok apketlhekmosekamok, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a —lhna aptemak Jesús apkeleltennaskamo apkeltamesaikamok.

Lucas 10:10

Koka menmakpo ta takha ketlhengkap apiav'akha la temma, enmeiak hata amai apieseksek temma, hata eltehek hengke'e:

Lucas 10:9

Eltaqmelkeskam hata nhan anmaska apiempeiok ma'a, eleltennes hata nhan ketse nkaimelhkak nkovak aknem aptaiekha ta apveske Eniapom Neten.

Lucas 9:5

Koka menmakpo la takha ketlhengkap na temma la'a, elpalesemma ta lhepop aktek apmanko'ok napaqtavek ma'a apkelvetaskeskama nkovak hata akiaqmoienta m'a, netamen eltaqho ta m'a —lhnak aptemak Jesús ma'a.

Hechos 13:26

Ellailho ketlhengkap elialheng'a Abraham aptavana'ak neptamen kakpota nhan ketlhengkap metnangko nak judios apkellelto apkellai'o nak Eniapom Neten, ka ania'a nak akto hengvongkeskama tep nenlhamakho.

Hechos 13:40

Ellaho ketlhengkap kakpota mankovhek akientalhnema apketlheianmo lhnak nanek apkeleltennasemmap ania'a, lhnak nanek aptaiangkok:

Hechos 13:46

Koka Pablo kakpota nhan Bernabe apkeleltennaskamo lhnak metka apkellai'a, lhna aptaiangkok: —Hengelietave niekhe angetlhenek Eniapom Neten apaivoma apmaniaie ketlhengkap apkellelto judios, koka menmaiangkok takha m'a, meleltemok ngkolhnankok aliennaktema apnenio'ok mangkotnengvaiam annelha. Koka ntasek angelletsavkesek ania'a nak apieseksek anak metnangko nak judios.

Hechos 13:51

Ka apkelenteiapmo lhnak Pablo m'a kanhan Bernabe, apalesaiakmo lhnak apmanko'ok lhepop aktek aniem'o apkeltaknongkoma enenlhet'avok anak ma'a, ka apkenmeiakho lhnak iokhalhma Iconio.

Romanos 10:21

Koka lhnak nanek na aptemak Isaias apketlheianmo aptaiangkolha ko Israelitas: «Skelpeiveske niekhe ehektengok takhaplhet temma nak enenlhet'avok meleliehekho nak kanhan hellammelhaikama nak», lhna aptemak ma'a.

Romanos 10:8

Ka ntemak na aktalhesammalhka vakkahak Eniapom Neten apaivoma hengke'e: «Nengaqtek lheiap nnak Eniapom Neten apaivoma, akieto apatong kanhan apvalhok» Hai', ka ania'a nak hentemeskeskama mongiaskeiam neleltennaseiangka nak ennengko'o.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.