Lucas 1:20 - Nuevo Testamento Toba Maskoy

²⁰ Koka kolhvave nak lheiap etnek hata metka apaivoma akvakmo akvetalhko qaselha nak askeltennaskama, ngkanek hei'askakmek lheiap —lhna aptemak ma'a.

Lucas 1:20 Iomraidhean Croise

Marcos 16:14

Netamen apvetaskesammakpo lhnak mokhom 11 apkeltamesaikamok ma'a, neksa aptaveikokha lhnak ma'a. Mang nak na enieskamak apatong Jesús apkelanei'o ngkanek apkeliaskeiakmek nak na apketlheianma apkeltemo lheme aptemakha apkelvetai'a aplhatekhangveiam ma'a, aniem'o nhan aliennaktema apvalho'ok.

Marcos 9:19

Koka lhna aptemak Jesús apkellanemo m'a: —¡Apkeliaskeiam ketlhengkap, heiastengangke niekhe, mankoleklemo niekhe nhan evalhok aspalhkaiangka mota ketlhengkap! ¡Ngva', eliantementa no apketkok anak halep! —lhna aptemak

Lucas 1:19

Ka apkatemmoiangka lhnak mokhom ángel ma'a, lhna aptemak: —¡Se lha kto hei'askakmo nak lheiap ke! Gabriel ko'o Eniapom Neten hennenkasekama, apto nhan heiapaskama kakpota altennaskatak ania'a aktaqmanma nak.

Lucas 1:21

Apkellailhengkek nak avhak pa'at enenlhet'avok Zacarias kakpota etiapvetak iokhalhma m'a. Apkelpaqmetkesammakpek nak mok apankavek ma'a apketlheianmo lhnak metiapma kolhvavek konne Eniapom Neten apnemakha.

Lucas 1:22

Lhennenga lhna ntemak apiephongvektamo Zacarias ma'a, mamma lhna ntemak apaivoma, mok apophek nak aptemak ma'a. Ka atlheianmo lhnak apvalho'ok enenlhet'avok apvetai'a lhema qaselha m'a konne Eniapom Neten apnemakha.

Lucas 1:45

Aktaqmelakho nke ntak lheia ngkanek mankoi'askeiakmok nkopeneskaksek hata aktemakha apkanemo Apveske lheia —lhna ntemak.

Lucas 1:64

Ka akpelapkeskamo lhnak na mokhom aktepekho apaivoma Zacarias, apiavenkaskesaiangka lhnak na apvesai'a Eniapom Neten ma'a.

Romanos 3:3

Koka moklhem'a judios meleliehekhok ma'a, nkaqhok koka Eniapom Neten apieplavkeskangkek aptemakha lhta apaivoma aplheianma,

2 Timoteo 2:13

Niekhe mangelieplavkeskama la nentangkolha netlheianma, koka m'a Cristo eieplavkesek hata mota aptemakha aplheianma m'a ngkanek aptemakha apankek ma'a.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

Apocalipsis 3:19

Hai, nkoihek ehetong askellan'o kanhan askennaveske' aplhamakho apkellelto la askellamelaiam. ¡Eiaqmongkasekha ta mo'ok apvalhok, etenio ta apiempek heieplekama!