Juan 9:24 - Nuevo Testamento Toba Maskoy

²⁴ Ka apkellaveiangka lhna lhta mokhom aptaqmalveiam, lhna lhta aptaiangkok: —Neliavek ennengko'o Jesús apto apkelanai'a ngkollatsekama, ¿se lha aklheno apvalhok lheiap ma ie enenlhet anak, he? ¡Elheng no metne apmopvana ania'a napaqtek Eniapom Neten, hengeleltennes ennengko'o! —lhna lhta aptaiangkok ma'a.

Juan 9:24 Iomraidhean Croise

Marcos 15:27

Apqanet nak na enenlhet apkenmenielhma mota nnemak aleklhanmo lhemek neten iamet aktenneskama Jesús ma'a, lhema lhnak akiennakha kakpota nhan sanqalvelha.

Lucas 15:2

Apkelvetai'ak nak fariseos ma'a kanha escribas, ka apkelmaleniosemmakpo lhnak mok apankavek ma'a, lhna aptaiangkok: —Apalhakvakme nak Jesús enenlhet anak apkellanekamok ngkollatsekama kanhan aptavokhek lheme —lhnak aptaiangkok ma'a.

Lucas 19:7

Koka apkelmaleniosemmakpek nak enenlhet'avok ma'a apkelvetai'o apiantemekho Jesús apnemakha m'a enenlhet apkelanai'a ngkollatsekama.

Lucas 7:39

Apvetai'ak nak fariseo apto apnemakha m'a, lhna ntemak apvalhok ma'a: —Kolhtema nak aptema apkeltennasemmap ania'a apanke enenlhet anak, eiekpelkok lhek alanai'a mota ngkolatsekama ngkelvana akmangvakmo nak —lhna ntemak apvalhok.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Juan 18:30

Koka lhta aptangkok apkellatemmongka m'a: —Meihamolhma enenlhet anak ham —lhta aptangkok.

Juan 19:6

Neksa apkelvetai'a lhta Jesús ma'a apkelemhama apmaniaie sacerdotes kakpota nhan apkellanekama Eniapom Neten apnemakha, kolhvavek anke lhta apkelelpalhnema m'a apkelvenengka nhan, lhta aptangkok: —¡Eliaqlha apmeiok apmankok neten iamet aktenneskama! —lhta aptangkok. Koka lhta aptak Pilato apkellano: —Ma', mamma apselhnanemmap hengke'e enenlhet anak. Ia', eliaqlhamo ta apankave apmeiok apmanko'ok ketlhengkap —lhta aptak Pilato.

Juan 5:23

Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Juan 8:46

¿Selha enenlhet apieseksek anak ketlhengkap apvetai'o la askelanei'o ngkollatsekama hengkaie, he? Ka alheno la ko'o akto have niapak ankek qaselha, ¿se lha aktemo heliaskeiakmo na mota ie, he?

Juan 8:49

Ka apkatemmongka lhta Jesús: —Mamma nkek ko'o kasekapok av'alhok hemaikamaha, askai'o ko'o mota Tata, koka ketlhengkap manghellak'o mota.

Juan 9:16

Koka lhna lhta aptaiangkok moklhem'a fariseos: —Enenlhet apto aptaqmelkasekha nak lheiap have Eniapom Neten apkapaskama, meliahakhok henganemakha' enganko'ok anak, meliahakhok na aknem nennekhelha sabado —lhna lhta aptaiangkok ma'a. Koka aplhamakha fariseos lhna lhta aptaiangkok ma'a: —Tokha nlho ka Eniapom Neten apkapaskama m'a, sok akto apkelan'o nak qaselha mongenatkeskama, ka enenlhet la apkelanai'a ngkolatsekama mankapvankek elanak ma'a —lhna lhta aptaiangkok ma'a. Mang na lhta nkolhnemok mo'ok apvalho'ok fariseos ma'a,

Juan 9:25

Ka apkatemmoiangka lhna lhta enenlhet aptaqmalveiam, lhna lhta aptemak: —Moihok ko'o, vanlha lhta metka ehaqto'ok ko'o, kolhva asvetekho na lhma —lhna lhta aptemak ma'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Apocalipsis 11:13

Mpelapkaske lhta akievhengka lhepop akiavai'a, apkeliaqnengke lhta decima lhema nekha pa'at apiav'akha temma lhta m'a, apkeletsepke lhta 7.000 enenlhet'avok aniem'o akievhekama lhepop, koka apkellelto lhta meletsepma kolhvave lhta apkeliavenkaskesama apvesai'a Eniapom Neten aniem'o apkellai'a m'a.