Juan 9:22 - Nuevo Testamento Toba Maskoy

^22-23 Lhna lhta ntaiangkok ngkana'ak ngkanek nkellai'ak na lhta apkelemhama apmaniaie judios enmaskeskasekhak alvesai'a alpalhakvekha apkaqnekhelha, aptaiangkolha lhta mota ellanhok apkellelto apketlheianma mota Jesús apto Mesias.

Juan 9:22 Iomraidhean Croise

Lucas 6:22

Aktaqmelakho nkek ketlhengkap apkeltaknommap anak, nema alvannaikama kakpota nhan nema alentepkeskama apkelvesai'a ketlhengkap aniem'o apkelieplekama m'a Enenlhet Apketka nak.

Juan 1:19

Apkelanma apmaniaie ko Jerusalen apkellapaso lhta sacerdotes kakpota nhan levitas kakpota elelmalhnengvomok Juan. Apkenmahai'a eliohok aptemakha m'a, ka apkatemmongka lhta iokhalhme kankek Juan ma'a, lhta aptak: —Have ko'o asto Cristo —lhta aptak.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Juan 19:38

Ka apmeiekho lhna lhta José ko Arimatea apnakha Pilato m'a, apkenmalhnengvekho lhna lhta Jesús aphapak kakpota esakhak ma'a. Apkasekhai'avek na lhta Pilato m'a. Apielhammakpek na lhta José aptemo apkeltameskama Jesús ngkanek apkelemhama apmaniaie' judio lhna lhta apkellai'ak ma'a.

Juan 20:19

Pelhasep alhta aptak ma'a, apkaknakho lhta apkeltamesaikamok konne pa'at, apkellapakhave lhta atong ngkanek apkelemhama apmaniaie' judios alhta apkellak'ak ma'a. Mpelapkaske lhta aptalhnengvo'o Jesús ma'a, apkenengvakmo apieseksek apkaknakhelha, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 9:18

Koka apkelemhama apmaniaie' judios apkeliaskeiakmek na lhta m'a enenlhet apto aptaqmalveiam metka apaqto'ok alhta. Ka apkellapaskamo lhna lhta lhema apkellennengkasekama eliantengvakhak ngkana'ak ma'a.

Juan 9:21

—Mangeliohok ennengko'o apto aptaqmelkasekha, elelmalhnama ta apankek ma'a, apvaneniek ma'a, apvanke eniatemmomaha.

Juan 9:34

Koka lhna lhta aptaiangkok mokhom apkellanemo apkelemhama apmaniaie judios, lhna lhta aptaiangkok: —Apteianlhasekha lheiap aknaikamok ngkollatsekama apvalhok, mankapvanke hengetlhekmoksek ennengko'o lheiap ¡Etiep, mevatamo nkek mokhom nengaqnekhelha nak! —lhna lhta aptaiangkok.

Juan 9:35

Apleng'a alhta Jesús nema aktepkeskama enenlhet aptaqmalveiam alhta apkaqnekhelha judios, apvetakhe lhta nhan m'a, ka apkenmalhnengka lhta, lhta aptak apkano: —¿Mai'e ei'askakmok lheiap Enenlhet Apketka nak, he? —lhta aptak.

Hechos 4:18

Ka apkelentalhnesekho lhnak mokhom ma'a Pedro kakpota nhan Juan konne pa'at, apkeliamenaiangka lhnak aliennaktema nkek apatno'ok ma'a kakpota metlhekmosangkek, metlhenekhek na mokhom apvesai'a Jesús.

Hechos 5:13

Apkelleliehekhavek na mota enenlhet'avok ma'a, koka mang na nkoliakvaiakmok elteteskamok ma'a.

Hechos 5:40

Nkelleklemavek nak apvalho'ok apkelveskai'e aktemakha apkeltennaikama Gamaliel, ka apkellapaskamo lhnak lhema enenlhet eliantementa nema allapaskamo napaqtavek ma'a kakpota eliaqpelhketangkok, meleltemo nhan etlhenek mokhom apvesai'a Jesús, ka apkelpaknemekho nhan ma'a.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.