Juan 8:54 - Nuevo Testamento Toba Maskoy

⁵⁴ Ka apkellatemmongka lhta Jesús, lhta aptak: —Aqhemo alhenalhko la ehenke' ko'o nema heiaspekamaha, Tata koka heiangkok asiaspommalhka. Ko'o Tata aptaiangko na mota ketlhengkap Eniapom Neten apanko'ok,

Juan 8:54 Iomraidhean Croise

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 2:11

Ka heng ampai'akhasekha lhta Jesús apkelanai'a qaselha mongenatkeskama kakpota elvetaskesek akietnema apmopvana. Ma lhta eliaskakmok apkeltamesaikamok ma'a.

Juan 5:41

Moteniak ko'o apkeltemeskeskama la akiavai'a asvesai'a enenlhet'avok.

Juan 7:18

Enenlhet apto la aplhenammakpo panke', apkeltemo ngkolhek altangko nema apiamo neten apankek. Koka enenlhet apteniai'a la mota aptemeskeskama neten apanke apvesai'a apto apkapaskama, koka enenlhet anak akto iokhalhmek aplheianma m'a, have apmopvana ania'a.

Juan 7:39

Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Juan 8:41

Koka ketlhengkap apkelieplavkek amai apankok apkeliapom —lhta aptak. Ka apkellatemmongka lhta m'a, lhta aptangkok: —Have ennengko'o nempalleiam neksa anmensangveiam alhma engkana'ak, vanlha lhema aphapak Eniapom ennengko'o, Eniapom Neten ma'a —lhta aptangkok.

Juan 8:50

Moteniak ko'o asiaspommalhko ehenkek la'a, koka apnek ma'a apto heiaspekama mota, apto nhan apkeliekpelkemo lhamakho qaselha m'a.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

1 Pedro 1:12

nkelvetaskeskangkek nak nanek ma'a mang koka elvetaiangkok ma'a, ennengko'o koka nenvanlha nak nelvet'a ie ania'a aktaqmanma nengvaiam tep anak. Hai, apkellengai'o nak ketlhengkap ania'a nak apkeleltennaikama aknema apkenmopvanka'a aniem'o Espíritu Santo nema apaskama aniem'o neten. ¡Ka nenvanlha nak akto aktaqmanma nkoie qaselha apkelvetaiangko nak ketlhengkap, akvakho niekhe nhan ángeles apkenmahai'a elpalhakvak ma'a!

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

2 Pedro 1:17

Neksa nellengai'a lhta apaivoma Eniapom Neten apto eniapma'ak, neksa lhta nhan apommatema neten akvaivantamo lhta nhan apaivoma, ai'o lhta m'a, aktemeskeskamo lhta nhan akiavai'a nkek apvesai'a Jesús, lhta ntak: «Ka eietka ham askamelaiam, apto nhan askeliekieskama ko'o», lhta ntak ma'a.