Juan 8:51 - Nuevo Testamento Toba Maskoy

⁵¹ Enenlhet apkellelto la apkelleliehekho aspaioma nak, melletsepek hata, have niapak ankek astakha nak —lhta aptak.

Juan 8:51 Iomraidhean Croise

Lucas 2:26

Lhna nkeniemai'ak apiangveskeskaiakmo m'a amanie apketsepma' etak hata Cristo apto apkeliekieskama Apveske.

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 15:20

Kotlheianvakho no apvalho'ok astakha lhta askellano, nema asennaikama nak have apto neten apankek apveske apankok. Heliaqmasema lhta ko'o enenlhet, hata nhan ngkotnek ketlhengkap ma'a. Koka moklhem'a lhta nhan apkelleliehekho lhta aspaioma, eleliehekhok hata nhan aptangkolha la apketlhekmosekamok ketlhengkap ma'a.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Juan 5:24

Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.

Juan 6:50

Koka aptavengko la asiokhoho malha pan apkeniem'o neten, meletsepek hata.

Juan 8:12

Lhta aptak mokhom Jesús apkellano enenlhet: —Ko'o asto malha apommatema apieseksek enenlhet'avok apkellokha la'a, apkellelto la helieplekama nkolhnangkok hata apommatema hengaikamok akiennaktema enneniek, melloka ta ienaqtesakha lhma —lhta aptak.

Juan 8:52

Lhta aptangkok mokhom enenlhet'avok ma'a: —¿Se lha ntak aplheno nak melletsepek hata apkellasekhai'o la lheiap? Neten apankek apmahai'a etnama lheiap, apkeletsepmek nak nanek ma'a nelieihengka Abraham kakpota nhan apkeleltennasemmap ania'a annenga, lheiap koka apmahai'a etnama neten apankek, neliavek kolhvave nak kasekapok av'alhok akmaikama lheiap —lhta aptangkok enenlhet.

Juan 8:55

koka meliohok mokhom ketlhengkap ma'a, ko'o koka asiavoie', askeliehekho nhan ma'a. Alheno la moiekpelkemo Tata, atnek hata asmopvana ania'a ehenke, ka apkellelto nak ketlhengkap.

Hebreos 11:5

Mei'askeiam nak nanek na Enoc, akleklemo nhan apvalhok Eniapom Neten, apkeliamavek nak nanek na apkennemolhema aptemakha m'a, ka ngkanek apiasekho neten Eniapom Neten ma'a kakpota menietsepek ma'a, mang nak nanek na elvetekhak apkennemolhema m'a.

Hebreos 2:9

Nne lhta nhan aktepkeso Jesús hengke'e ketse lhtoka nhan koneng apientalhnemo melhnemok ángeles, iakvatakho lhtoka m'a. Kolhva koka neliavek ma'a nlanei'avek apientalhnemo kanhan nemo ai'o aniem'o lhta apketsepma. Hai, apkeliekieskek Eniapom Neten kakpota enietsepok ennengko'o hengeliaqmoiekha aniem'o aktaqmanma nkek hengellanei'o.