Juan 8:46 - Nuevo Testamento Toba Maskoy

⁴⁶ ¿Selha enenlhet apieseksek anak ketlhengkap apvetai'o la askelanei'o ngkollatsekama hengkaie, he? Ka alheno la ko'o akto have niapak ankek qaselha, ¿se lha aktemo heliaskeiakmo na mota ie, he?

Juan 8:46 Iomraidhean Croise

Marcos 11:31

Ka apkelpaqmetkesammakpo lhnak sekhek mok apankavek ma'a, lhna aptaiangkok: —Have ta anlhenek Eniapom Neten apkaikamok apientalhnemo Juan, ngkanek hengenmalhnekho ta Jesús, hata etnek hengellana: "Sok akto ketlhengkap apkeliaskeiakmo nak Juan", hata etnek hengellanak ma'a

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Juan 15:10

Eleliehekhok na askanemakha etnangkok kakpota elvetak enenlhet ma'a hellasekhai'o. Ka stonak ko'o askeliehekhek apkanemakha atnek Tata, apkelvetai'ak na enenlhet askasekhai'o ko'o Tata.

Juan 16:8

Hata apvo'o ta m'a apto Henmasmo niapom, etlhenkeskeskakhok hata apvalho'ok enenlhet'avok apkellelto meleliehekho apkellaskamakha Eniapom Neten, apkellelto apkelpeivomo, apkellelto nhan aliekpelkammalhka apkeltemakha.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 8:47

Eniapom Neten apketkak la'a apkeltakmelkasavek mota apkellailhemo aktakha aplheianma Apiapom, koka mellailhemok ketlhengkap, ngkanek have Eniapom Neten apketkak —lhta aptak Jesús.

Juan 8:7

Koka apkelelmalhnakhave lhta mokhom ma'a, apkenmakho lhta nhan neten Jesús ma'a, lhta aptak apkellano: —Metka nkek la apkellanai'a ngkollatsekama apieseksek anak ketlhengkap ham, eienhe ta apmanie metaimong ngkelvana nak —lhta aptak Jesús.

2 Corintios 5:21

Metka nkek apkelanai'a qaselha ngkolatsekama Cristo, nkakhemavek koka m'a apatengkasekhek Eniapom Neten ngkollatsekama nellanekamok ennengko'o, apteskasekho malha ngkolatsekama apankok la m'a kakpota hengeltemeskesek nengelpeivomo napaqtek ma'a.

Hebreos 4:15

Ka apiav'akha sacerdote nak ma'a apvankek elietnahok nengaqta'a ennengko'o neksa mongeliennaktema la'a, ngkanek apvetai'a lhta apmanie akiepkonma m'a, nnavek ennengko'o kolhvave nak, koka m'a melanai'ak qaselha ngkolatsekama la m'a.

Hebreos 7:26

Nietavek ankek ma'a Jesús apto apiav'akha sacerdote apkaimommakpo mota ennengko'o. Apto nhan apokkenammap, metka aptemengveiakmo lhma, apkalhnai'o nhan napaqtek Eniapom Neten, mevhanekho apkellanekamok ngkollatsekama enenlhet'avok, nemo akneskekho m'a netne kankoie neten.

1 Pedro 2:22

Mamma lhta aptemengveiakmo lhma Cristo, mamma nhan apiennengkeskama la po'ok.