Juan 8:39 - Nuevo Testamento Toba Maskoy

³⁹ Koka lhta aptangkok enenlhet'avok ma'a: —¡Eniapom ennengko'o Abraham! —lhta aptangkok. Koka lhta aptak mokhom Jesús apkellano m'a: —Have, melieplomak amai Abraham ketlhengkap,

Juan 8:39 Iomraidhean Croise

Juan 8:33

Ka apkellatemmongka lhta enenlhet'avok ma'a, lhta aptangkok: —Have ennengko'o nema allasennaikama nema apkelianmoma, Abraham annenga aptavana'ak neptamen ennengko'o. ¿Se lha akto aplheno nak lheiap nema hengellasennaikama nema apkelianmoma ennengko'o ie, he? —lhta aptangkok ma'a.

Juan 8:37

Asiavek ko'o Abraham aptavana'ak neptamen ketlhengkap, koka apkeleltavek hellaqhek, menmak takha asketlhekmoskama nak.

Juan 8:43

Meliehek ketlhengkap aktakha nak alheianma ngkanek mankollekok apvalho'ok aktakha askeltennaikama.

Juan 8:56

Abraham apkelieihengka lhta ketlhengkap apmahai'ave lhta etak aknem ehenkok, apvetai'a lhtoka m'a, mpaihakhe lhta nhan apvalhok ma'a —lhta aptak.

Romanos 4:12

Abraham na apkeliapom apkellelto nak nema aliaqtemanma nekhatko'ok apkellammelhakha, meliaskeiam anak, kakpota nhan apkelleliehekho nak Eniapom Neten, ka aptemo lhnak nanek na Abraham ma'a amanie apmahai'a ngkolhek aktemeskeso akiaqtemenammalhka nekhatkok apkammelhakha m'a.

Romanos 4:16

Aptemakha lhnak nanek apeneskamo aplheianma Eniapom Neten ellangkok hata, apketlhevangkek ma'a aplhamakho aptavana'ak neptamen Abraham aniem'o la meliaskeiam, metka akianmoma. Apkellelto nak judios akietnema ley Moises kakpota nhan aplhamakho enenlhet'avok lhma nkek ham aknangko la nhan meliaskeiam malha aptemo lhnak nanek na Abraham, apto nhan malha eniapma'ak nenlhamakho nengelelto nak mongeliaskeiam.

Romanos 9:7

Apkellelto aptavana'ak neptamen Abraham, have nhan aplhamakho apkennemolhema Eniapom Neten, lhnak nanek aptemak apkanemo Eniapom Neten Abraham: «Elentepok hata aptavana'ak neptamen lheiap apkelleniem'o m'a apketka Isaak», lhna aptemak ma'a.

Galatas 3:29

Hai, apkelpasmakhek ketlhengkap Cristo ka ngkanek etnangkok na aptavana'ak neptamen Abraham, etlhevangkok hata nhan qaselha apeneskamo apaivoma Eniapom Neten ellangkok hata.

Galatas 3:7

Ka ngkanek ko askeltavek eliohok ketlhengkap ma'a, ka aptangkok apketkak Abraham aknangko nlho meliaskeiam ma'a.