Juan 8:24 - Nuevo Testamento Toba Maskoy

²⁴ Askeleltennaskek lhe niekhe ketlhengkap eletsepok hata aniem'o ngkollatsekama apkellanekamok apkeliaskakmo la'a asto ko'o —lhta aptak Jesús.

Juan 8:24 Iomraidhean Croise

Marcos 13:6

Ngkanek elvak hata aplhamakma enenlhet, hata etnangkok hengke'e: "Ko'o hengke'e", hata etnangkok ma'a. Eliennengkesek hata aplhamakma enenlhet'avok ma'a.

Marcos 16:16

Mang hata nkek eliaskakmok, ngkolhek hata nhan allavkeso konne iemmen, elvongkasakpok hata nhan tep ma'a. Koka apkeliaskakmo la'a, etlhenakpok hata apnaqtevasemmap.

Lucas 21:8

Koka lhna aptemak Jesús apkellatemmoiangka m'a: —Aplhaniek hata enenlhet apkelvai'a, hata etnangkok hengke'e: ¡Ko'o nak Cristo! Etlhenek hata nhan akvai'a aknem aktema nnelha' alhma nkek ham. ¡Koka melieplav ankek ketlhengkap ma'a, mellanko nkek na ngkolhek aliennengkasengka!

Juan 13:19

Spenesavek askeleltennaskama m'a akmak'akha ta ngkotnek kakpota meliaskamek asto ko'o m'a.

Juan 3:18

Meliaskakmo la Eniapom Neten Apketka m'a, mangkolhek hata atlheno apketselhnanemmap ma'a. Koka nnak atlheno m'a aptangko apketselhnanemmap apkellelto la apkeliaskeiam ma'a. Ngkanek apvai'o nak apto lhema aphapak apankek Eniapom Neten Apketka. Apto nhan malha apommatema atsaskeskama lhma, mang koka eleliehekhok ma'a. Koka apteniaiangkok ma'a ienaqtesakha lhma nak ngkanek apkellaneiangkek qaselha ngkollatsekama m'a.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Juan 4:26

Koka lhna lhta aptemak Jesús apkanemo m'a: —Ko'o m'a, hepaqmetkesangka nak lheia' —lhna lhta aptemak ma'a.

Juan 8:21

Lhta aptak mokhom Jesús apkellano apkelemhama apmaniaie judios: —Alhong hata ko'o, helketmok hata ketlhengkap koka eletsepo ta aniem'o ngkollatsekama apkellanekamok. Mankollapvankek hata nhan elvomok asmak'akha ta amhangkok —lhta aptak Jesús.

Juan 8:25

Ka apkelelmalhnengka lhta mokhom apkelemhama apmaniaie judios, lhta aptangkok: —¿Se lha enenlhet lheiap ke, he? Ka apkatemmongka lhta Jesús ma'a, lhta aptak: —Askeleltennaskangke mota ketlhengkap.

Juan 8:28

Lhta aptak mokhom Jesús: —Hato ka akno ta aklheno neten Enenlhet Apketka nak, eliangvakhok hata ketlhengkap asto ko'o, have askelanai'a ehenkok ehenke', vanlha askelanai'a apkeltemo alana Eniapom.

Juan 8:58

Ka apkellatemmongka lhta Jesús ma'a, lhta aptak: —Have niapak ankek ma'a, aslomaka lhta tep nak nanek ko'o amanie apmahai'a etiemok Abraham —lhta aptak Jesús.

Hechos 4:12

Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.

Hebreos 12:25

Hai, ntasek ankek ketlhengkap apkelvetai'a neksa apkellangiemhaikama, ka ngkanek ntasek meltaqneve' kno la alpaqmetkeso, ¡ellaho ta nkovak akientalhnema! Mang nak nanek elvaiakmok tep ma'a apkellelto lhnak nanek apkeltaknongkoma apkellanemmakpelha etnangkok m'a aniem'o nhan enenlhet apankek apkellaikamok apaivoma m'a. Aselhtek hata nhan elvomok tep apkellelto la apkeltaknongkoma apto apkennaveskama m'a aniem'o nak neten.