Juan 7:39 - Nuevo Testamento Toba Maskoy

³⁹ Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Juan 7:39 Iomraidhean Croise

Lucas 24:49

eniakhamok hata hengke'e Jerusalen ngkanek kolhvavek hata angvapaksek takhaplhet'ok aktakha lhta apaivoma Tata have niapak ankek eniapaksek hata, aknema akmopvana apkeniem'o neten —lhna aptemak.

Lucas 3:16

Koka lhnak aptemak Juan apkellanemo enenlhet: —Askellavkaskek ko niekhe iemmen ketlhengkap, koka lhema enenlhet hata elhemak netamen ko'o. Neten apankek aknema apmopvana, molhnok ko'o, ngvannalhkek ko'o evalhok al·hatsoskesek alhato'ok apnakteto apmankok ma'a enenlhet anak. Hato ka etnek malha la apkellavkeskama la Espíritu Santo kakpota nhan talha ketlhengkap.

Lucas 7:16

Avanhek ankek nak apkellai'a enenlhet'avok apkelvetai'o m'a, apkeliavenkaskesaiangka nhan apvesai'a Eniapom Neten ma'a, lhna aptaiangkok: —¡Apva'ak hengke'e apkeltennasemmap ania'a neten apanke apiaspommap, Eniapom Neten apkeltave epasmok apkennemolhema! —lhnak aptaiangkok ma'a.

Juan 1:21

Ka apkelelmalhnengka lhta mokhom: —¿Lheiap anlho Elias annenga, he? —lhta aptangkok. —Ma', have ko'o Elias —lhta aptak apkatemmongka Juan. —Netamen, lhta aptangkok mokhom: —¿Lheiap anlho apkeltennasemmap ania'a aplheianmo lhnak nanek eniapaksek Eniapom Neten, he? Ka apkatemmongka lhta mokhom Juan: —Have' —lhta aptak.

Juan 1:25

lhta aptangkok mokhom apkellanemo Juan: —Have nak lheiap Cristo, have nhan Elias, have nhan apkeltennaskamo ania'a apankok aplheianmo lhnak nanek eniapaksek Eniapom Neten lheiap. ¿Sok aktemo apkellavkesaiangko na mota iemmen enenlhet ke, he? —lhta aptangkok.

Juan 1:33

Ma lhta ko aihamok enenlhet ma'a, koka apto lhta heiapaskama allavkesangkok konne iemmen enenlhet'avok ma'a, lhta aptak heiano: "Hata apvet'o ta lhema enenlhet apvaiventak takhaplhet Espíritu, eienakvak nahan, koka apto ta malha apkellavkesaikamok akieplomo Espíritu Santo enenlhet'avok ma'a", lhta aptak heiano m'a.

Juan 12:16

Koka apkeltamesaikamok ma lhta nkotlheianvakho apvalho'ok aktemakha aklheianma ania'a aktalhesammalhka vakkahak. Koka netamen nemo aktemeskeskamo neten apankek Jesús ma'a, atlheianvekho nhan apvalho'ok aktemakha aklhenammalhka qaselha nak ma'a.

Juan 12:23

Ka apkatemmongka lhta Jesús, lhta aptak: —Kolhva ngvakmok aknem Enenlhet Apketka nak ngkolhek hata aktemeskeso neten apanke'.

Juan 14:13

Elelmalhnama ta akieplomo asvesai'a nak apkeleltakha la qaselha, allangkok hata ko'o, netamen enenlhet'avok anak eliavenkaskesama ta nhan apvesai'a Eniapom aniem'o aptakha apkelanai'a Apketka.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 16:14

Eliangveskeskamhok hata nhan ko'o asto asientalhnemo, eleltennaksek na astakha aspaioma aplengai'a m'a.

Juan 16:7

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a.

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 20:22

Ka apkelvatepnapo lhta takhaplhet'avok ma'a, lhta aptak: —Apketlhevangkek Espíritu Santo kolhvave nak ketlhengkap,

Juan 6:14

Nkeliemaske lhta apvalho'ok enenlhet'avok apkelvet'o qaselha mongenatkeskama m'a, lhta aptangkok: —Have na niapak enenlhet anak apto apkeltennasemmap ania'a aplhenammakpo lhnak nanek lhennenga kakpota evak hengke'e —lhta aptangkok ma'a.

Juan 7:12

Ma lhta ellasak apketlheno enenlhet Jesús akieto aktaqmelankolha lhma m'a, apkelmalenioma lhta m'a ngkanek apkellak'ave lhta apkelemhama apmaniaie' judios ellenhok ma'a, lhta aptangkok enenlhet: —Apiave lhma' enenlhet anak ma'a, hela —lhta aptak. —Ma', meiholhma m'a, apmopvana ania'a m'a —lhta aptak po'ok enenlhet.

Juan 8:54

Ka apkellatemmongka lhta Jesús, lhta aptak: —Aqhemo alhenalhko la ehenke' ko'o nema heiaspekamaha, Tata koka heiangkok asiaspommalhka. Ko'o Tata aptaiangko na mota ketlhengkap Eniapom Neten apanko'ok,

Hechos 19:2

lhnak aptemak Pablo: —¿Ma nlho etlhevaiangko Espíritu Santo ketlhengkap neksa aptaikamo lhta meliaskeiam, he? —lhna aptemak. Ka apkellatemmoiangka lhnak enenlhet'avok ma'a, lhna aptaiangkok: —Mma', mongellengai'ak ennengko'o aplhenammap Espíritu Santo —lhna aptaiangkok.

Hechos 2:17

«Lhke aptak Eniapom Neten, hata akvakmo ta nnelha aknem lhmankek ham, aiangkenek hata Espíritu ehenkok takhaplhet'ok aplhamakho enenlhet'avok lhmankek ham, apketkak apkelennava'ak kakpota nhan ngkelvana'ak nkotlhenek hata ania'a apankok aniem'o Eniapom Neten. Apketko'ok ngkoitek hata alvetai'a apaqto'ok, kakpota nhan apkelvaneiam apkelvanmongkoma.

Hechos 2:33

Ka apiantemakho lhta nhan neten apneso napokha akieto akiennakha apoktong, apkaiangkek na Espíritu Santo. Kolhva koka Jesús apiangkenkek tekhenlhet'ok ennengko'o m'a aptemakha lhta nhan apaivoma apeneskamo hengeleltennaskama, ka nkeniem'ak ma'a apkelleng'o lhkek, kanhan apkelvet'o lhkek qaselhaha.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 3:13

Eniapom Neten apveske apanko'ok nelieihengka nnenga Abraham, Isaak kakpota nhan Jacob, ka apkaikamok apmopvana apketka Jesús kakpota nhan aptemeskeskamo neten apankek ma'a. Apkeltaknongkongke lhtoka ketlhengkap ma'a, apkellangkongvaiakmo nhan apkelanma apmaniaie romano, niekhe apmahai'o lhta epaqnemekhak Pilato m'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

2 Corintios 3:8

Koka tep ankek aktaqmanma apommatema m'a alhnankok annemo mo'ok engvalho'ok aplheianmo Eniapom Neten hengellangkok hata Espíritu apankok.

Efesios 4:30

Meltemeskes na akmaiose apvalhok Espíritu Santo apkeniem'o Eniapom Neten, apto nhan ma'a malha mongenatkeskama la apiempeiok apkeltemeskeskama lhta ketlhengkap kakpota eliekpelkok enenlhet apanko'ok akvakmo ta m'a aknem apsavhomakha apkel·hatsoskekha neksa anmaikama moniamolhma.