Juan 7:35 - Nuevo Testamento Toba Maskoy

^35-36 Ka apkelelmalhnekpo lhta mok apankavek apkelemhama apmaniaie judios ma'a, lhta aptangkok: —Se lha aplheno nak ai'e, ko la apmak'akha emhangkok kakpota mongelvetekhe. Kelha apme eniakhak ma'a elpalhakvakha judios apkellelto nak apkakhengveiam ma'a apieseksek anak griegos, kakpota nhan etlhekmoskamok griegos ma'a —lhta aptangkok ma'a.

Juan 7:35 Iomraidhean Croise

Lucas 2:32

Etnek hata malha apkapommatema apketsaskeskama lhma m'a apieseksek metnangko nak judios, ellakpok hata enenlhet'avok ko israel apkennemolhema apankek lheiap —lhna aptemak Simeon.

Juan 12:20

Apkakhangke lhta nhan ma'a moklhem'a griegos apkelpasengvaiam aktaqmelaikama lhma Pascua m'a kakpota elteklhengkok aptapno'ok, el·halhentamok na napaqtek Eniapom Neten ma'a.

Juan 7:1

Netamen alhta m'a, aplomaka lhta Jesús akieto iokhalhma Galilea. Ma lhta nkomak'ak eniakhak ma'a Judea ngkanek apkelemhama apmaniaie judios apkelketangke lhta apkenmahai'a ennapok ma'a.

Juan 8:22

Ka apkelpaqmetkesakpo lhta mok apankave apkelemhama apmaniaie judios ma'a, lhta aptangkok: —¿Selha ntak aplheno nak mangenmopvanka'a angelvomok apmeiakhelha ta ha'e, he? Nlhenkek kelha apvalhok eniaqhakpo panke' —lhta aptangkok ma'a.

Hechos 11:18

Neksa apkellengai'a lhnak ma'a akmaskemo nhan apkeliamenammap Pedro m'a, apkeliavenkaskesaiangka lhnak apvesai'a Eniapom Neten ma'a, lhna aptaiangkok: —Neliavek kolhva ennengko'o apkenmamo takha Eniapom Neten enenlhet metnangko nak judios, apkeltavek na eliaqmongkasekhak mo'ok apvalho'ok ma'a kakpota ngkoitek aliennaktema apnenio'ok mankotnengvaianlha nnelha —lhnak aptaiangkok ma'a.

Hechos 11:20

Koka apkelvai'ak nak na moklhem'a enenlhet'avok apkelleniem'o Chipre kakpota nhan Cirene, apkeleltennaseiangka lhnak na ania'a aktaqmanma aplhenammap Apveske Jesús enenlhet griegos ma'a akieto Antioquia.

Hechos 14:1

Apkelvaiakmek nak Pablo kakpota nhan Bernabe akieto Iconio, apkelentalhnengvaiakmo lhnak apkaqnekhelha judios, ka apketlhekmoseiangko lhnak ania'a aktaqmanma m'a. Man nantek judios kakpota nhan griegos man nak eliaskeiakmok ania'a m'a.

Hechos 17:4

Moklhem'a lhnak judios meliaskeiakmok ma'a, apkelpasmekho nhan Pablo kakpota nhan Silas ma'a. Meliaskeiakmo nhan aplhamakma griegos apkellelto apkellai'o mota Eniapom Neten, kakpota nhan alemhama amaniaie akto neten ankavek aliaspommalhka m'a.

Hechos 18:4

Lhamakho aknem sabado nennekhelha lhnak apmeiekha mota Pablo apkaqnekhelha judios, apkellatemommakpo lhnak judios kakpota nhan griegos apkeltemo lhnak nkollekvomok apvalho'ok ma'a.

Hechos 21:21

Koka apkellengai'ak na ania'a aktemakha apketlhekmoskama lheiap ma'a judios apankave nak apkakhangko m'a apieseksek metnangko nak judios, aplheianveiakmo lhna lhta lheiap ntasek elieniekhak ley Moises anak, ntasek na lhta nhan elieniekhak aptaiangkolha nak apkeltemeskesaikamok apkeliaqtemenkeskama nekha tkok apkellammelhakha apketkak, kakpota nhan ntasek na lhta nhan elieniekhak nentaiangkolha nak ennengko'o hengke'e judios.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Romanos 1:16

Momankek ko alhenek ania'a aktaqmanma ngkanek akto aknema akmovana aniem'o Eniapom Neten kakpota nkolvongkesek tep enenlhet'avok apkellelto la meliaskeiam, apmaniaie' judios, kakpota nhan griegos.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:11

Heliekieskamo lhta Eniapom Neten kakpota apaiaksek ania'a aktaqmanma nak, hetneskeskamo nhan heiapaskamo apankok kanhan hengetlhekmoskama,

Santiago 1:1

Ko'o Santiago asto heiasennaikama Eniapom Neten kanhan apveske Jesucristo nlhenkek evalhok apkellelto 12 apkelpasmekhak apketkak neptamen Israel, apkakhengveiakmo lhma nkek ham lhamakho apkellavakha.

1 Pedro 1:1

Ko'o Pedro asto heiapaskama Jesucristo, nlhenkek evalhok ketlhengkap apkellelto apkellenteiapma apkellavakha apanke, apkelhpanmo nhan apkenmaiangko apkeliav'akha temma Ponto, Galacia, Capadocia, Asia kanhan Bitinia.