Juan 7:33 - Nuevo Testamento Toba Maskoy

³³ Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Juan 7:33 Iomraidhean Croise

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 13:33

Ketlhengkap eietkak apketkok askellamelaiam, ketse nkaimelhkak astaqhekhelha, helketmok hata, manghelvetekhek hato ka, melvomek hata nhan asmak'akha nak amhangkok. Ka askeleltennaso nak ketlhengkap, askeleltennaske lhta nhan apkelemhama apmaniaie' nak judios.

Juan 14:12

Aniakhak hata ko'o akieto apnakha Eniapom, ka ngkanek apkellelto la mangheliaskeiam etnangkok hata aktemakha nak askelanai'a ko'o. Tep anke hata ngkotnek apkellanai'a qaselha m'a, have niapak ankek hata ngkotnek ma'a.

Juan 14:19

Ketsek nkaimelhkak manghelvetekhek hata enenlhet'avok nalhepop anak, ketlhengkap hato ka helvetekhak hata, elloka ta mokhom ma'a tep ngkanek ko'o aloka ta nhan ma'a.

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

Juan 16:10

Ko'o koka asto aspeivomo panke ngkanek aniakhak hata apnakha Eniapom, manghelvetekhek hata mokhom ketlhengkap.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 16:5

Kolhva koka ataqhok hata mokhom apnakha apto heiapaskama, ma nak helelmalhnema ketlhengkap asmak'akha amhangkok,

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 20:17

koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Juan 9:4

Neksa aktema mokhom aknem, ntasek angellanangkok apkeltemo lhta apto heiapaskama, lheme ta nkovak hata aptema pelhasep, koka mongapvankek angellanak qaselha m'a.