Juan 7:30 - Nuevo Testamento Toba Maskoy

³⁰ Ka apkenmak'o lhta elpathetek Jesús apkelemhama apmaniaie judios ma'a, koka ma lhta nkollapvanka'ak, ma lhta nhan nkovakmok aknem apankok ma'a.

Juan 7:30 Iomraidhean Croise

Marcos 11:18

Ka apkellengai'o lhnak apkelemhama apmaniaie' sacerdotes, kakpota nhan escribas aktakha apaivoma Jesús, kolhvavek ka nkek nak apkellanekhak ania'a kakpota ellaqhek ma'a. Apkellai'ak noka ngkanek aplhaniek nak enenlhet apkellailhemo mota apketlhekmoskama akiemaskama engvalhok ma'a.

Lucas 20:19

Apkeliekpelkangveiakmek nak apketlhenammap sacerdotes kakpota nhan escribas aktemakha apietkeskama Jesús ma'a, ka apkenmahai'o lhnak niekhe elpathetek ma'a, nkelvannammalhkek noka apvalho'ok ma'a, apkellai'ak nak ello'ok enenlhet'avok ma'a.

Lucas 22:53

Lhamakho aknem alhta niekhe asketlhekmoskama Eniapom Neten apnemakha napaqtavek ketlhengkap, mang koka helpathetmak ma'a. Kolhva koka helpathetak ketlhengkap ngkanek ngva'ak aknem ankok akmovana ienaqtesa lhma —lhna aptemak apkellanemo Jesús ma'a.

Juan 10:31

Apkellavke lhta apkelemhama apmaniaie judios apkelleng'o m'a, nketlhengkaske lhta elienhek metaimong Jesús ma'a.

Juan 10:39

Apkellempave lhta mokhom apkenmahai'a ellaqlhengkesek Jesús nengaqlhengkasemmalhkelha m'a, koka apkenie lhta Jesús apieseksek enenlhet ma'a.

Juan 11:57

Koka apkelemhama apmaniaie' sacerdotes kakpota nhan Fariseos apkelpeneskamavek na lhta apkellaikamok ania'a enenlhet'avok ma'a, apkelvet'o la Jesús ma'a, apvanka'ak eleltennaskakhak kakpota elpathetek ma'a.

Juan 7:19

Apkellaiangkek nak na nek Moises ley ketlhengkap, koka meleliehekho, ¿se lha ntak apkenmak'o nak hellaqhek ke, he? —lhta aptak Jesús apkellano.

Juan 7:32

Apkelleng'a lhta nhan ania'a aplhenammap Jesús fariseos kakpota nhan apkelemhama apmaniaie' sacerdotes, ka apkellapaso lhta apkellanekama nekhav'ak Eniapom Neten apnemakha m'a kakpota elpathetek Jesús ma'a.

Juan 7:6

Koka lhta aptak Jesús: —Mankovakmok mokhom aknem ehenkok, ketlhengkap koka ntasek lhamakho aknem.

Juan 7:8

Enmeiakhak koka ketlhengkap mok apankavek ma'a aktaqmelaikama lhma nak, moniakhek ko'o, mankovakmok mokhom aknem ehenkok —lhta aptak Jesús.

Juan 8:20

Neksa apkeltennaikama lhta Jesús ma'a, apne lhta Eniapom Neten apnemakha, akieto iamet aiseksek alhankok patakkom nema akmeskama qaselha, koka ma lhta emammakpok ma'a, ma lhta nhan nkovaiakmok aknem apankok.

Juan 8:37

Asiavek ko'o Abraham aptavana'ak neptamen ketlhengkap, koka apkeleltavek hellaqhek, menmak takha asketlhekmoskama nak.

Juan 8:59

Kolhvavek anke lhta apkenmangkok metaimong aliaqiema kakpota ennapok Jesús ma'a, koka aplhenengkasekpe lhta apankek apieseksek enenlhet'avok ma'a, aptepo nhan Eniapom Neten apnemakha.

Juan 9:4

Neksa aktema mokhom aknem, ntasek angellanangkok apkeltemo lhta apto heiapaskama, lheme ta nkovak hata aptema pelhasep, koka mongapvankek angellanak qaselha m'a.