Juan 7:28 - Nuevo Testamento Toba Maskoy

²⁸ Apleng'a lhtoka Jesús neksa apketlhekmoskama lhta konne Eniapom Neten apnemakha, lhta aptak apiennakteso apaivoma: —Apketlhengke niekhe ketlhengkap apkeliamo se lha ko'o ie, kakpota nhan ko la askeniem'akha m'a, meliehek koka. Have asvai'a ehenko ie', heiapaskama m'a apto apiamolhma, ketlhengkap koka meliekpelkak ma'a.

Juan 7:28 Iomraidhean Croise

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Lucas 2:11

Apteiakmek lhek apto apkelvongkeskama ta tep enenlhet'avok akieto apkavakha David, Cristo apto Apveske.

Lucas 2:39

Ka alpeneskamo lhnak José kakpota nhan María allanemmalhka nkoltehek aniem'o ley Apveske, ka altaqhekho lhnak akhaiangkelha natemma Nazaret akieto Galilea.

Lucas 2:4

Ka apteiapmo lhnak na José na temma Nazaret akieto iokhalhma Galilea, apmeiekho lhnak na temma Belen akieto iokhalhma Judea. Apteiaianlha lhnak na José m'a, kanhan aptema po'ok annenga apveske David.

Lucas 2:51

Ka apkelieplekho lhnak ngkana'ak akieto Nazaret, apkelleliehekhek nak ma'a. Mpekkenaiangkek nak av'alhok María aktemakha akvetai'a m'a, nvetangvekhavek na mota aqtek ma'a.

Juan 1:46

Ka apkatemmoiangka lhnak Natanael ma'a: —¡Ieee! Mankapvankek etiepok enenlhet apiamo la lhma m'a na temma Nazaret —lhna aptemak. Ka apkatemmoiangka lhnak Felipe m'a, lhna aptemak: —¡Elheng, nok kakpota etengvakha apankek lheiap! —lhna aptemak

Juan 10:36

¿Se lha ntak hetlheno nak astevaskama apvesai'a Eniapom Neten aniem'o lhkek askeltammalhko nhan apketka apankek ma'a, he? Have niapak anke Eniapom apto hepokkanma, heiapaskama nhan ma'a.

Juan 12:49

Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 14:10

¿Apiaskakmek nlho lheiap Eniapom kakpota nhan ko'o nengelelto enlhema? Lhamakho aktakha nak alheianma aniem'o m'a Eniapom, have ehenkok ehenkek alheianma nak, Eniapom ko'o alhelhma, hemama ko'o m'a kakpota allanak lhamakho qaselha.

Juan 14:31

Evankek ko'o alanak apkeltakha la alanak Eniapom kakpota elvetak enenlhet'avok halhma nkek ham asto askasekhai'o Eniapom. ¡Elaqnekha neten, nok! —lhta aptak Jesús.

Juan 16:3

Koka nkeniemai'ak mangheliekpelkemak ko'o m'a kakpota nhan Eniapom enenlhet meliamolhma nak ma'a.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Juan 5:32

Apnek koka po'ok enenlhet apto have niapak ankek helheianma, asiave ko'o aplheianma mota apto have niapak anke'.

Juan 5:43

Ko'o Tata apto lhta heiapaskama, koka manghenmak takha ketlhengkap. Koka apvo'o la po'ok enenlhet apvesai'a apanke', enmankok kelha takha m'a.

Juan 6:42

Lhta aptangkok ma'a: —¡Apmopvana ania'a apkeniem'o neten, neliavek ennengko'o Jesús ha'e, José apketka ham, neliavek na ngken! —lhta aptangkok.

Juan 7:14

Netamen, nalhet aktaqmelaikama lhma lhta ngvakmok ma'a, aptalhnengvakho nhan Jesús Eniapom Neten apnemakha, ka apkempo lhta apketlhekmoskama m'a.

Juan 8:14

Ka apkatemmongka lhta Jesús, lhta aptak: —Hai', iokhalhmek alhenalhko nak ehenke ngkanek asiavek ko'o askempai'akha', asiavek na asmeiakhelha ta, meliehek koka ketlhengkap.

Juan 8:16

Koka asmak'o la atnek ma'a, atnek akietemo nkek alheianma aktemakha apkelanai'a ngkolatsekama nlho ka la aktaqmanma ngkanek heiaikamok asmopvana aliekpelkok ma'a Eniapom apto lhta heiapaskama.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Juan 9:29

Nengeliavek ennengko'o apakmetkeskangkek nak nanek Eniapom Neten Moises, koka mangeliohok ko la apkeniem'akha enenlhet anak ma'a —lhna lhta aptaiangkok.

Romanos 1:28

Mankonmahai'ak enmok takha Eniapom Neten, ka ngkanek etlhekhak kakpota elieplavkesek apankavek ngkollatsekama alketansema apvalho'ok, ellanangkok ngkollatsekama.

Romanos 3:4

ngkanek have apmopvana ania'a, have aptonak enenlhet, Eniapom neten koka aplheianma mota iokhalhmek anke', ka aktemo nak na aktalhesammalhka Vakkahak Eniapom Neten apaivoma: «Aplhamakho enenlhet hata eliohok aptema la iokhalhmek aplheianma lheiap, no la akiantemakho napaqtek hengiekpelkemo, eiephongvomhok hata lheiap ma'a» lhna ntemak ma'a.

2 Corintios 1:18

¡Koka have ennengko'o nentaiangkolha aktonak ma'a, hai, nlho ka la mma'! Apiavek Eniapom Neten have niapak ankek astakha nak alheianma.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

1 Juan 5:10

Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.