Juan 7:26 - Nuevo Testamento Toba Maskoy

²⁶ Ka ha'e, apkelpaqmetkesangka nak enenlhet, manak kelha emammakpok —lhta aptangkok enenlhet. Lhta aptak na po'ok: —Kolhva kelha meliaskeiakmok apkelemhama apmaniaie enganko'ok anak apto Cristo ha'e enenlhet anak —lhta aptangkok.

Juan 7:26 Iomraidhean Croise

Lucas 23:13

Ka apkellaveiangka lhnak apveske Pilato apkelveskai'e sacerdotes kakpota nhan apkelemhama apmaniaie apkellavakha m'a,

Lucas 7:30

Koka fariseos kakpota nhan hengetlhekmoskama ley ma lhtoka eleltemok ellavkesangkok konne iemmen Juan ma'a, ma lhta nha nkonmahai'ak eleliehekhok apkanemakha etnangkok Eniapom Neten.

Juan 12:42

Koka moklhem'a lhta nhan judios meliaskeiakmok Jesús ma'a kakpota nhan apkelemhama apmaniaie, koka apkelmaleniosemmakpe lhta apketlheianma meliaskeiam aniem'o apkellai'a Fariseos elentepkesek apkaqnekhelha mota m'a.

Juan 18:20

Ka apkatemmongka lhta Jesús ma'a, lhta aptak: —Se lha ntak helmalhnengka nak, elelmalhnengvakha koka enenlhet'avok apkaqnekhelha na mota, kakpota nhan Eniapom Neten apnemakha nak. Koka apkeliavek ma'a se lha asketlhekmoskama ie, have asielhammalhko asketlhekmoskama nak, napaqtavek koka astemak ma'a —lhta aptak Jesús.

Juan 3:1

Pelhasep nak aptemak ma'a, apmaiangko lhema fariseo apnakha Jesús, Nicodemo lhnak apvesai'a m'a, apkemhama apmanie lhta apieseksek judios ma'a, lhna aptemak apkanemo: —Hengetlhekmoskama, neliavek ennengko'o Eniapom Neten apkapaskama lheiap kakpota hengetlhekmoksek. Nelvet'ak na ennengko'o qaselha mongenatkeskama apkellanai'a lheiap, neliavek na Eniapom Neten aplhelhma lheiap —lhna aptemak.

Juan 4:29

—¡Enenlhet lhek ha'e, apiavek lhek lhamakho astemakha, nok noho, Cristo kelhaha! —lhna lhta ntemak ma'a.

Juan 7:25

Apkelpaqmetkesakpe lhta mok apankavek moklhem'a enenlhet'avok ko Jerusalen ma'a, lhta aptangkok: —¿Have nlho apketamekpo lhta enenlhet anak apmahai'a ematong, he?

Juan 7:31

Koka ma lhta nha ntek enenlhet meliaskeiam Jesús ma'a, lhta aptangkok: —Hai', Cristo ham, ellanhono lhamakho qaselha mongenatkeskama apkellanai'a mota ham, eliangvomho koka —lhta aptangkok ma'a.

Juan 7:48

Ellanhono, apkeliaskakmek apkelanma apmanie enganko'ok anak, kakpota nhan apkelanma apmanie fariseos enenlhet anak ma'a.

Juan 9:22

Lhna lhta ntaiangkok ngkana'ak ngkanek nkellai'ak na lhta apkelemhama apmaniaie judios enmaskeskasekhak alvesai'a alpalhakvekha apkaqnekhelha, aptaiangkolha lhta mota ellanhok apkellelto apketlheianma mota Jesús apto Mesias.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Filipenses 1:14

Neksa apkellengai'a lhnak lhta engelialheng'a asnema nengaqlhengkasemmalhkelha nak, avanhek na lhta apkelvaskapekho apkelpaieskama ania'a aktaqmanma metka apkellai'a akieplomo nhan meliaskeiam Apveske.