Juan 7:14 - Nuevo Testamento Toba Maskoy

¹⁴ Netamen, nalhet aktaqmelaikama lhma lhta ngvakmok ma'a, aptalhnengvakho nhan Jesús Eniapom Neten apnemakha, ka apkempo lhta apketlhekmoskama m'a.

Juan 7:14 Iomraidhean Croise

Lucas 19:47

Lhamakho knem nak apketlhekmoskama Jesús ma'a Eniapom Neten apnemakha, koka apkelveskai'e sacerdotes, escribas kakpota nhan apkelemhama apmaniaie apkellavakha nak apkelleliaikama lhnak ania'a kakpota ellaqhek ma'a.

Juan 18:20

Ka apkatemmongka lhta Jesús ma'a, lhta aptak: —Se lha ntak helmalhnengka nak, elelmalhnengvakha koka enenlhet'avok apkaqnekhelha na mota, kakpota nhan Eniapom Neten apnemakha nak. Koka apkeliavek ma'a se lha asketlhekmoskama ie, have asielhammalhko asketlhekmoskama nak, napaqtavek koka astemak ma'a —lhta aptak Jesús.

Juan 5:14

Netamen alhta m'a apvetakho lhta mokhom Jesús enenlhet konne Eniapom Neten apnemakha, lhta aptak Jesús apkano: —Aptaqmelakhave i'e lheiap, melanekha nkek mokhom ngkolatsekama, ngkotnekhak kelha mokhom akiavai'a akmaska apiempek —lhta aptak apkano.

Juan 7:2

Nkanketvakme lhta aknem aktaqmelaikama lhma judios apanko'ok akvesai'a akpaklhenammalhka kaselha aiempeiok.

Juan 7:28

Apleng'a lhtoka Jesús neksa apketlhekmoskama lhta konne Eniapom Neten apnemakha, lhta aptak apiennakteso apaivoma: —Apketlhengke niekhe ketlhengkap apkeliamo se lha ko'o ie, kakpota nhan ko la askeniem'akha m'a, meliehek koka. Have asvai'a ehenko ie', heiapaskama m'a apto apiamolhma, ketlhengkap koka meliekpelkak ma'a.

Juan 7:37

Ngvakme lhta aktakha nnelha akpaiveskekha' aknem aktaqmelaikama lhma m'a, akto lhta neten ankek akiaspommalhka aknem anak ma'a. Ka apkenmakho lhta neten Jesús apieseksek enenlhet, apiennakteso apaivoma, lhta aptak: —Apiemak'ak hata nke' enenlhet, hei'ota ta, mangheiaskakmo la'a enenlhet angvangko ta apiama kakpota nkotepangkok iemmen apvalhok malha akto nak alvata iemmen aktaqmanma nkek la'a, ka ntak ma'a Vakkahak Eniapom Neten apaivoma —lhta aptak Jesús.

Juan 8:2

Lhema aknem alhta ntak akiekai'a m'a, atsak'o lhtoka mokhom akmopeiam konne', apvaktamo mokhom Jesús Eniapom Neten apnemakha. Apkelteteskaktamo lhta nhan enenlhet apentalhnema apnakha m'a, ka apno lhta Jesús ma'a, apketlhekmoso nhan.

Juan 8:20

Neksa apkeltennaikama lhta Jesús ma'a, apne lhta Eniapom Neten apnemakha, akieto iamet aiseksek alhankok patakkom nema akmeskama qaselha, koka ma lhta emammakpok ma'a, ma lhta nhan nkovaiakmok aknem apankok.