Juan 6:63 - Nuevo Testamento Toba Maskoy

⁶³ Espíritu akto apkellaikamok aliennaktema apnenio'ok ketlhengkap, koka enhapetek anak mankolienna'ak ma'a. Ka aspaioma lhkek akto Espíritu kanhan nenganiemhaikama,

Juan 6:63 Iomraidhean Croise

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

Juan 6:68

Ka apkatemmongka lhta Simon Pedro m'a, lhta aptak: —Apveske, mamma apno enenlhet lheiap, vanlha lheiap apaivoma nak avankek hengankok akiennaktema ennenio'ok nkotnengvaianlha nnelha.

Hechos 5:20

—Enmeiakha Eniapom Neten apnemakha, eleltennasama ta m'a ania'a aktaqmanma hengaikamok nenganiemhaikama akiennaktema —lhnak aptemak apkellanemo ángel.

Romanos 10:17

Amanie sekhek ellailhok ania'a aktaqmanma, netamen ma'a nkovak meliaskeiam Eniapom Neten apaivoma.

Romanos 2:25

Ntase niekhe nema aliaqtemenkeskama nak nekhatkok apkellammelhakha apkelleliahakho la ley anak Moises, koka meleliahakho la m'a, akhemo ta ngkotnek nema aliaqtemenkeskama nak, malha ta ngkotnek metka nema aliaqtemenkeskama napaqtek Eniapom Neten.

Romanos 8:2

ngkanek ley Espíritu nak hengelpaqnengkasekha akmovana ley ankok ngkollatsekama ka nhan nengetsepma nak, hengellaiangko nhan neliennaktema aniem'o m'a Cristo Jesús.

1 Corintios 15:45

Ka aktemo nak na aktalhesammalhka vakkahak Eniapom Neten apaivoma: «Nnengkek nak aiangko akiennaktema apkaniemhaikama apmanie pankek enenlhet apteiapma apvesai'a Adan». Koka malha alhaiek ankek apkemhaiam malha Adan koka apto apvanmongkoma hengaikamok neniennaktema.

Galatas 5:25

Koka nellaniemhangka la aniem'o Epiritu, ntasek angankoho heniantemama akmak'akha la heniantemok ma'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Galatas 6:15

Kolhva alhnankok nentaiangkolha nak koka akto neten ankek akiaspommalhka m'a, mangkolhnok aliaqtemenammalhka nak nekhatkok apkellammelhakha, nlho ka la nhan metka nak aliaqtemenammalhka m'a.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

1 Timoteo 4:8

Aselhtek apkelvetai'a aktaqmanma apiempeiok ma'a apkellelto nak apkelleivesammap la'a, koka m'a akto neten ankek aktaqmanma apkellelto nak apkellanekamok la qaselha akpeivomo, apeneskangke lhta nhan lhema apaivoma Eniapom Neten ma'a eleltaqmelkeskesek neksa apkellangiemhaikama hengke'e nalhepop anak, kanhan alhaiek ma'a neten,

Hebreos 13:9

Ka ngkanek na ntasek ketlhengkap meliaqmongkasekhek mo'ok aktemakha hengetlhekmoskama la'a, ngkanek lhamakho henganemakha nak alleskama mota etavangkok lhamakho nentoma la'a ketlhengkap man koka nkoliennakteskasak apvalho'ok ketlhengkap ma'a. Vanlha koka m'a nengamelaiam anak aniem'o m'a Eniapom Neten avankek nkoliennakteskesek apvalho'ok ma'a.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,