Juan 6:60 - Nuevo Testamento Toba Maskoy

⁶⁰ Ka apkelleng'o lhta apkellelto apkeltamesaikamok Jesús ma'a, lhta aptangkok: —Nientelhek ankek ammok takha hengetlhekmoskama nak, mankapvankek enenlhet eliehekhoho —lhta aptangkok.

Juan 6:60 Iomraidhean Croise

Juan 2:2

Nne lhta nhan ano Jesús epasengvomok ma'a kakpota nhan apkeltamesaikamok.

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 6:52

Apkelempave lhta mokhom apkelpaqmetkesakpo mok apankavek judios ma'a, lhta aptangkok: —Niehe ngkotnek hengellangkok aphapetek anak kakpota antavangkok —lhta aptangkok ma'a.

Juan 6:64

koka moklhem'a ketlhengkap apkeliaskakmek mokhom —lhta aptak Jesús ma'a. Apiave lhta Jesús apkellelto apkeliaskeiam ma'a, apiave lhta nhan enenlhet etnek hata apselhnanongkoma, ka nkeniemai'ak aplheianmo m'a qaselha nak.

Juan 6:66

Kolhvavek anke lhta apkelvatesangkok napokha apkeltamesaikamok Jesús ma'a,

Juan 7:3

Lhta aptangkok apkellano apkelialheng'a apanke Jesús: —Melhnekha nkek hengke'e, eniakha ta nhan lheiap ma'a Judea kakpota elvetak apkeltamesaikamok lheiap lhamakho qaselha apkelanai'a lheiap.

Juan 8:31

Lhta aptak Jesús apkellano judios apkellelto lhta meliaskeiam ma'a: —Apkelleliahakhavek hata nke ketlhengkap aktakha nak asketlhekmoskama, hata etnangkok askeltamesaikamok aptaikamok have niapak ankek ma'a.

Juan 8:43

Meliehek ketlhengkap aktakha nak alheianma ngkanek mankollekok apvalho'ok aktakha askeltennaikama.

Hebreos 5:11

Nkaimelhkek kelha mokhom anlhenek ania'a nak, nientelhek koka angelpeiveskasekha m'a, ketlhengkap apsongka ie mamma akpekhai'a eliangvomho'.

2 Pedro 3:16

Lhamakho lhta mota vakkahak aptalheskama Pablo aktemakha mota m'a aklheianma m'a, nientelhe lhta niekhe aniangvomhok ma'a moklhem'a aptalheskama, koka apkelietnokhaskeiakme mota m'a enenlhet'avok anak malha metka apqatko'ok anak, kanhan apkellelto nak nkoliennaktema nak meliaskeiam, apkelietnokhaskeiakme mota nhan lhamakho aktemakha aklheianma nak Vakkahak Eniapom Neten Apaivoma, ka ngkanek elvetak hato ka akiaqmoiekha aniem'o meliamolhma apankavek ma'a.