Juan 6:53 - Nuevo Testamento Toba Maskoy

⁵³ Koka lhta aptak mokhom Jesús: —Have niapak ankek ma'a, mang hata nkek etavengkok ketlhengkap aphapetek Enenlhet Apketka nak, meinanko la nhan ema apankok ma'a, mangkoitek hata aliennaktema apnenio'ok.

Juan 6:53 Iomraidhean Croise

Lucas 13:3

¡Koka have niekhe m'a! Ketlhengkap hata nhan eletsepok meliaqmongkasakho la mo'ok apvalho'ok.

Lucas 13:5

¡Koka have m'a! Ketlhengkap hata nhan eletsepok meliaqmongkasakho la mo'ok apvalho'ok —lhna aptemak Jesús apkellanemo.

Juan 13:8

Lhta aptak mokhom Pedro: —Ma', mongvasekhe nlho nkek elienieksek emankok lheiap —lhta aptak. Ka apkatemmongka lhta mokhom Jesús, lhta aptak: —Mang hata nkek eltak lheiap, mankapvankek hata heieplomaha —lhta aptak.

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Juan 3:3

Koka lhna aptemak Jesús apkatemmoiangka: —Have niapak anke, apmak'o la etengvomok lheiap aptemakha nak Apveske Eniapom Neten nkaimelhkek amanie etiemok mokhom, malha nematka sekha apteiam la'a —lhna aptemak.

Juan 3:36

Mang hata nkek eliaskakmok Apketka nak, ngkoitek hata aliennaktema apnenio'ok mankotnengvaianlha nnelha. Koka apkellelto la apkeliaskeiam ma'a, mangkolhek hata aliennaktema apnenio'ok, hato ka eliaqmongkaskesekhak apkeltemakha Eniapom Neten ma'a.

Juan 3:5

Ka apkatemmoiangka lhnak Jesús: —Nkaimelhke' nak etiemok aniem'o Espíritu kakpota nhan iemmen, kakpota etalhnengvomok ma'a aptemakha nak apveske Eniapom Neten, akto have niapak ankek ma'a.

Juan 6:47

Have niapak anke, apto la mei'askeiam, ngkoitek hata akiennaktema apneniek mankotnengveianlha nnelha.

Juan 6:51

Ko'o asto nak pan apkeliennakteskama apnenio'ok apkeniem'o neten. Aptavengko la moklhem'a, nkolhnangkok hata aliennaktema apnenio'ok mangkotnengvaiam annelha. Asiokha nak askellaikamok malha pan kakpota nkolhnangkok aliennaktema apnenio'ok aplhamakho enenlhet'avok lhmankek ham —lhta aptak Jesús.

Juan 6:55

Ko'o ehepetek anak akto have niapak ankek nentoma, ko'o ema ehenkok anak nahan, akto nhan have niapak ankek neniama.

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?

1 Juan 5:12

Apto la enenlhet akietnema apvalhok Apketka, nietnek na akiennaktema apneniek ma'a mankotnengvaianlha nnelha. Koka apto la nhan meietnema apvalhok Apketka nak ma'a, mang na nkoietnak akiennaktema apneniek.

Apocalipsis 2:17

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu ka aklhamakho nke nak iglesias!: "Apkellelto ta apkeliephongveiakmo allangkok hata nentoma mana nema alposkama, ka nhan metaimong aktek anmopai'a akietno aktalhesammalhka nenvesai'a alhnankok melioho' mokhom, vanlha koka enenlhet apto aplhevai'a ta apiavek hata m'a", lhta aptak Espíritu.

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.