Juan 6:5 - Nuevo Testamento Toba Maskoy

⁵ Ka apkammelho lhta Jesús ma'a, ma lhta ntek enenlhet apketlheiam ma'a, apkenmalhnengka lhta Jesús Felipe, lhta aptak: —¿Ko la angvetangvomok nenmama la nentoma m'a aptekamok la enenlhet anak ha'e he? —lhta aptak Jesús.

Juan 6:5 Iomraidhean Croise

Marcos 6:32

Apkenmeiekhek nak ma'a metkelha temma, apkelkanantemo lhnak lhema loma nemmen akiavai'a m'a.

Lucas 9:10

Ka apkelvektamo lhnak mokhom apnakha Jesús apkelapaskamo m'a, apkeleltennaseiangka lhnak ania'a lhamakho aktemakha qaselha apkellanai'a. Ka apkeliantemekho lhnak Jesús natemma Betsaida m'a, apkeltemo lhnak elhek lheme' apkelvanlha apkeltamesaikamok ma'a.

Juan 1:43

Lhema aknem na ntemak akiekai'a m'a, Jesús apmahai'o lhnak eniakhak iokhalhma Galilea, apvetai'o lhnak Felipe m'a, lhna aptemak apkanemo: —¡Nok, heieplakha! —lhna aptemak.

Juan 1:44

Ko Betsaida koka m'a Felipe, kanhan apkellavakha m'a Andres kakpota nhan Pedro.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 1:46

Ka apkatemmoiangka lhnak Natanael ma'a: —¡Ieee! Mankapvankek etiepok enenlhet apiamo la lhma m'a na temma Nazaret —lhna aptemak. Ka apkatemmoiangka lhnak Felipe m'a, lhna aptemak: —¡Elheng, nok kakpota etengvakha apankek lheiap! —lhna aptemak

Juan 1:48

Aplengai'ak nak Natanael ma'a, lhna aptemak: —¿Sek la kto heiekpelko nak lheiap ke, he? Ka apkatemmoiangka lhnak Jesús, lhna aptemak: —Asvet'ak lhek apno lheiap apiamposakpo koneng peskeska nkok iamet higuera, amanie apmahai'a lhkek niavama Felipe —lhna aptemak.

Juan 4:35

Ka aptangko mota ketlhengkap apketlheno 4 pelten nelailhema nenganma kakpota annaklhek akielhna. Koka stak ko askellano ellanhono aniep akiavai'a la'a, nnakmetke akielhna m'a, nennaklhemakha ntahak.