Juan 6:46 - Nuevo Testamento Toba Maskoy

⁴⁶ Mamma enenlhet apvetai'o m'a Eniapom anak, vanlha koka apto apkeniem'o m'a Eniapom Neten apvetai'o m'a.

Juan 6:46 Iomraidhean Croise

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Juan 14:7

Koka heliekpelko la apankavek ketlhengkap, eliekpelkok hata nhan ko'o Tata. Apkeliekpelkek koka kolhvave nak ngkanek apkelvet'a ie —lhta aptak Jesús.

Juan 5:37

Eniapom na helheianma ko'o astema asiamolhma, ketlhengkap koka mamma nkek apkellengai'a aptakha apaivoma m'a, melvetai'ak na napa'at ma'a.

Juan 7:29

Vanlha koka ko'o asiekpelkemo m'a ngkanek askeniem'o nhan ko m'a, heiapaskama nhan ma'a —lhta aptak Jesús apkellano enenlhet'avok ma'a.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

Juan 8:55

koka meliohok mokhom ketlhengkap ma'a, ko'o koka asiavoie', askeliehekho nhan ma'a. Alheno la moiekpelkemo Tata, atnek hata asmopvana ania'a ehenke, ka apkellelto nak ketlhengkap.

Colosenses 1:15

Eniapom Neten apto mongvetai'a, koka apva'a lhta Cristo apnemo lhtoka nhan ma'a, apnengkek nak nanek apnakha m'a amanie apkelentepkeskama lhamakho qaselha lhmankek ham.

1 Timoteo 6:16

Apto nhan lhema aphapak menietsepma, apto apkaniemhaikama nhan aiseksek atsak'elha lhma, mamma nhan nkoteteskamok ma'a, mamma nhan enenlhet apto apvetai'a m'a ngkanek na mongapvankek angellanhok ma'a. Apto nhan vanlha lhema aphapak akietnema apmopvana m'a, ntasek angellaho mota m'a metka nnelha. Amen.

1 Juan 4:12

Mamma enenlhet apvetai'o Eniapom Neten, koka nellasekhalhko la ennengko'o, eloka nhan nenieseksa ennengko'o, nkovenke pankok na hengasekhai'o m'a akvakmo aktakha nnelha akvanekamok.