Juan 6:42 - Nuevo Testamento Toba Maskoy

⁴² Lhta aptangkok ma'a: —¡Apmopvana ania'a apkeniem'o neten, neliavek ennengko'o Jesús ha'e, José apketka ham, neliavek na ngken! —lhta aptangkok.

Juan 6:42 Iomraidhean Croise

Marcos 6:3

¡Ieee! Neliavek ennengko'o ha'e, asota apkellanai'a. María atka m'a, ka apkelialheng'a m'a Santiago, José, Judas kakpota nhan Simon, nkellomaka nhan apkelialheng'a hengke'e nellokha nak —lhna aptaiangkok enenlhet'avok. Mang na songkek enmaiangkok takha Jesús ma'a,

Lucas 4:22

Nkeliemaskangkek nak na apvalho'ok enenlhet ma'a, ntasek nak na apketlheianma aptemakha aktaqmanma qaselha aplheianma Jesús ma'a. Ka apkelpaqmetkesammakpo lhnak mok apankavek ma'a, lhna aptaiangkok: —¿Have nlho José apketka ham, he? —lhna aptaiangkok ma'a.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 3:13

Mamma enenlhet apvaiakmo neten, vanlha koka apto m'a apvaiventamo nak nalhepop, apvesai'a nak Enenlhet Apketka'.

Juan 6:38

Asvaivantanie lhta ko'o koneng anak have asmak'akha atnehek ehenkok ehenke, vanlha asma aliehekho Eniapom apto lhta heiapaskama.

Juan 6:43

Ka apkellatemmongka lhta Jesús ma'a, lhta aptak: —¡Elvatesamok apkelmaleniosemmap mok apankavek!

Juan 6:62

¿Ko la ta etnangkok ketlhengkap apkelvet'o ta Enenlhet Apketka nak apmeiakho ta mokhom neten, he?

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

1 Corintios 15:47

Hai, apmanie lhnak nanek nema alanai'a enenlhet apanke apkeniemai'o m'a nalhepop, netamen na enenlhet apkeniemai'o nhan ma'a neten.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.