Juan 6:39 - Nuevo Testamento Toba Maskoy

³⁹ Apkeltemo altakmelkesek enenlhet'avok anak hellaikamo lhta, netamen akvakmo ta nnelha lhmankek ham, anaklhatekhaskamok hata apieseksek apkenmaskengvaiakmo.

Juan 6:39 Iomraidhean Croise

Lucas 12:32

—Mankoliet ankek apkellai'a ketlhengkap apkellelto nak helieplekama, apkanet apanke niekhe ketlhengkap, koka Apkeliapom anak hata eltemeskesek apkelveskai'e apkelpasmekha m'a aniem'o apiamolhma m'a.

Juan 12:48

Hato ka enaqtevasakpok ma'a meleliehekho la aspaioma akvakmo ta nnelha aknem.

Juan 17:12

Neksa asnema hengke'e apieseksek anak, askenmeiavkek mota akieplomo asiennaktema lheiap alhta heiaikamok. Mamma lhema aplheneiam la'a, vanlha koka apto atka henlhenengkeskama, ka aktemo nak nema alientemongkeskamo aklhenammalhka Eniapom Neten apaivoma.

Juan 17:2

Lheiap apkaikamok apientalhnema Apketka takhaplhet'ok aplhamakho enenlhet'avok kakpota ellangkok aliennaktema apnenio'ok mankotnengvaianlha nnelha apkellelto lhta apkellaikamok lheiap kakpota eltaqmelkeskesek ma'a Apketka nak.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

Juan 17:6

Askeleltennaskek ko'o apvesai'a lheiap apkellelto hellaikamok alhta kakpota altakmelkeskesek. Lheiap enenlhet apanko'ok, apkelleliahakhavek apaivoma lheiap na m'a.

Juan 17:9

Ka askelmalhneskaso nak elpasmok lheiap apkellelto lhta hellaikamok kakpota altakmelkeskesek, ngkanek lheiap enenlhet apanko'ok ma'a, molmalhneskasak ko m'a meliamolhma nak enenlhet.

Juan 18:9

Ngvakme lhta aptemo lhta apaivoma Jesús, lhta aptemak: —Eniapom, mamma lhema aplheneiam apkellelto lhta hellaikamok lheiap —lhta aptak ma'a.

Juan 5:28

Molpelapkesangkek apkellengai'a astakha nak alheianma, nkovak hata aknem apkellenganveiam apaivoma Eniapom Neten Apketka apkellelto apnangkongvaiam ma'a nemakha aknengkanveianlha enghapak,

Juan 6:37

Lhamakho apkellelto lhta Eniapom hellaikamok apkeltemo altakmelkesek, helioktanie lhta ko'o, moltaqhesehek hata nhan ma'a.

Juan 6:40

Apkeltavek apto lhta heiapaskama ellanhok aptemakha Apketka nak, meliaskamek nahan kakpota m'a etlhevangkok aliennaktema apnenio'ok nkotnengvaianlha nnelha', anaklhatekhaskamok hata nhan ma'a akvakmo ta nnelha aknem alhma nkek ham —lhta aptak Jesús.

Juan 6:44

Mankotlhenap apvalho'ok ketlhengkap sek la ko'o enenlhet ke', vanlha Eniapom apto heiapaskama apvanke eliangveskeskamhok hata, netamen anaklhatekhaskamok hata akvakmo ta nnelha alhma nkek ham.

Juan 6:54

Koka aptavengko la ehepetek anak, apienangko la nhan ema ehenkok ma'a, nkoite ta aliennaktema apnenio'ok, netamen akvo'o la nnelha aknem lhmankek ham, ko'o ta anaklhatekhaskamok na m'a.

Romanos 8:11

Apno la apvalho'ok ketlhengkap Espíritu apankok Eniapom Neten apto lhta nhan aptemeskasekha aphalhnankok Cristo Jesús, ellangkok hata m'a alhnankok apkeliokha aniem'o m'a Espíritu apankok Eniapom Neten apno apvalho'ok ketlhengkap, koka apkeliokha nak akmovana nkomaskengvomok.

1 Corintios 6:14

Aptemakha lhta Eniapom Neten aptemeskasekho lhta aphalhnankok apieseksek apkenmaskengvaiakmo Apveske, hata nha ngkotnek ennengko'o m'a aniem'o apmopvana.

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

Santiago 5:15

Ka apkelelmalhno la akieplomo meliaskeiam ma'a, etaqmalvomok hata akmaska apiempek anak. Apveske Jesús hata emaskeskesek aplengaiangko m'a, akietno la nhan ngkolatsekama apkelanai'a, etneskesama ta nhan apankek ma'a.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.