Juan 6:38 - Nuevo Testamento Toba Maskoy

³⁸ Asvaivantanie lhta ko'o koneng anak have asmak'akha atnehek ehenkok ehenke, vanlha asma aliehekho Eniapom apto lhta heiapaskama.

Juan 6:38 Iomraidhean Croise

Juan 3:13

Mamma enenlhet apvaiakmo neten, vanlha koka apto m'a apvaiventamo nak nalhepop, apvesai'a nak Enenlhet Apketka'.

Juan 3:17

Apkapaskek Apketka Eniapom Neten hengke'e nalhepop anak kakpota elvongkesek tep enenlhet'avok, have apmahai'a etlhenek apketselhnanemmap ma'a.

Juan 3:31

Apto apkeniem'o neten, neten apankek apiaspommap ma'a mangkolhnok ennengko'o nengelelto nak nenloma nalhepop anak, netlhenke mota aktakha nelvetai'a nalhepop.

Juan 4:34

Koka lhta aptak Jesús: —Askasekhai'o ko'o apto heiapaskama, apenaksek hata asmakmekama apkeltemo lhta alanak ma'a, koka malha astoma ko'o m'a.

Juan 5:19

Koka lhta aptak Jesús apkellano m'a apkelemhama apmaniaie judios: —Have niapak anke, apto Apketka mankapvankek elana apmak'akha la elana. Vanlha elanak apvet'o la apkelan'o qaselha Eniapom, lhamakho qaselha apkelanai'a Eniapom, kakpota nhan elanak ma'a Apketka.

Juan 5:30

Mongvapvankek alanak asmak'akha la alana ehenkok ehenke', Eniapom anak ma'a helhekmoskek atnek askeliekpelkemo aktemakha apkellanekamok enenlhet. Ka ngkanek atnek aktaqmelo askeliekpelkemo motaha aniem'o askeliehekho Eniapom anak ma'a, apto nhan heiapaskama.

Juan 6:29

Ka apkellatemmongka lhta Jesús ma'a, lhta aptak: —Eniapom Neten apkeltavek meliaskamek apto apkapaskama —lhta aptak.

Juan 6:33

Hai', koka apto pan ma'a apkellaikamok Eniapom Neten apvaiventamo nhan neten, eltemeskesek na aliennaktema apkellangiemhaikama enenlhet'avok lhmankek ham —lhta aptak Jesús.

Juan 6:42

Lhta aptangkok ma'a: —¡Apmopvana ania'a apkeniem'o neten, neliavek ennengko'o Jesús ha'e, José apketka ham, neliavek na ngken! —lhta aptangkok.

Juan 6:57

Eniapom apto alhta heiapaskama nietnek apiennaktema, heiangkek na ko'o apiennaktema m'a, enenlhet aptavo la ehepetek anak, ngkoitek hata nhan apiennaktema.

Romanos 15:3

Ka aptemakha lhta mota Cristo meteniai'ak ngkolhek akiaspengka apankok apanke, ka aktemo nak aktalhesammalhka Vakkahak Eniapom Neten apaivoma hengke'e: «Nteiakme lhta tekhelhet ko'o aptaqnommap lheiap»

Efesios 4:9

Hai, apmeiekhek nak neten, amanie lhnoka apvaiventak konne kanke nak lhepop.

Hebreos 5:8

Niekhe aptema Apketka apankek ma'a nkaqhok koka aplengaiangkek akientalhnema, ka nkeniemai'ak aptemo apkeliehekho mota Eniapom Neten.