Juan 6:32 - Nuevo Testamento Toba Maskoy

³² Ka apkatemmongka lhta mokhom Jesús ma'a, lhta aptak: —Have niapak ankek ma'a, have apto Moises apkellaikamo lhnak nanek pan apkelleniem'o m'a neten, koka kolhvave nak ko Tata apkellangkek apto haveniapak ankek pan apkeniem'o neten.

Juan 6:32 Iomraidhean Croise

Juan 1:9

Lhna nkeniemai'ak ma'a anketaiakmo akvai'akha nalhepop apommatema nak akto have niapak ankek atsaskeskama lhma ta aplhamakho enenlhet'avok.

Juan 15:1

—Ko'o asto malha iamet uva anko ie, Tata koka apto aptaqmelkeskama.

Juan 6:31

Ka aptemo lhnak nanek nengelieihengka Moises annenga akieto iokhalhma metkelha temma, apkellaiangko lhnak nanek nengelieihengka aptekamok nentoma mana, ka ntemak aktalhesammalhka m'a Vakkahak Eniapom Neten apaivoma hengke'e: «Apkellangkek pan apkelleniemai'o neten kakpota etavangkok ma'a».

Juan 6:33

Hai', koka apto pan ma'a apkellaikamok Eniapom Neten apvaiventamo nhan neten, eltemeskesek na aliennaktema apkellangiemhaikama enenlhet'avok lhmankek ham —lhta aptak Jesús.

Juan 6:35

Koka lhta aptak Jesús apkellano mokhom: —Ko'o asto nak pan askellaikamok aliennaktema apnenio'ok enenlhet'avok. Apto la heieplekama, mangheiaskeiam nahan, mankaqhekhek ankek hata mek kakpota meimakiek hata nhan.

Juan 6:41

Koka m'a moklhem'a apkelemhama apmaniaie judios apkelpaqmetkesakpave lhta mok apankavek ma'a apkeliemetkasengka aptakha Jesús ma'a, ngkanek aplhenakpe lhta apanke aptema pan apkeniem'o neten.

Juan 6:50

Koka aptavengko la asiokhoho malha pan apkeniem'o neten, meletsepek hata.

Juan 6:55

Ko'o ehepetek anak akto have niapak ankek nentoma, ko'o ema ehenkok anak nahan, akto nhan have niapak ankek neniama.

Juan 6:58

Ka pan anak apkeniem'o neten, have aptonak ma'a nentoma mana aptoiangko lhnak nanek apkelieihengka ketlhengkap, nkaqhok koka apkeletsepmek lhnak nanek ma'a. Koka aptavengko la pan alheno lhkek, ngkoitek hata aliennaktema apnenio'ok mankotnengveianlha nnelha —lhta aptak Jesús.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.