Juan 6:28 - Nuevo Testamento Toba Maskoy

²⁸ Koka lhta aptangkok enenlhet apkelelmalhnengka m'a: —¿Ko la apkeltakha antangkok Eniapom neten ennengko'o m'a, he? —lhta aptangkok.

Juan 6:28 Iomraidhean Croise

Lucas 10:25

Lhema hengetlhekmoskama ley Moises apkenmalhnengvai'o lhnak Jesús apmahai'a eiepkonek, lhna aptemak: —Hengetlhekmoskama, ¿ko la atnek ko'o kakpota ngkoitek akiennaktema eneniek nkotnengvaianlha nnelha? —lhna aptemak.

Juan 6:27

Moltama nkek apkelvalho'ok apteniaikamok aptekamok, nkosavhalhka mota m'a. Koka ntase eliavenkaso apkelketansema mo'ok aktemakha nentoma akto mankosavhommalhka, allaikamok na apkeliennaktema mankotnengveianlha nnelha apkellangiemhaikama. Koka Enenlhet Apketka nak apvankek ellangkok ma'a qaselha nak, ngkanek nietnek apmopvana m'a aniem'o Eniapom Neten —lhta aptak Jesús apkellano m'a.

Juan 6:29

Ka apkellatemmongka lhta Jesús ma'a, lhta aptak: —Eniapom Neten apkeltavek meliaskamek apto apkapaskama —lhta aptak.

Hechos 16:30

Ka apkelentepkeskamo lhna lhta iokhalhma apkelaklhengkasemmap ma'a, apkelelmalhneiangka lhna lhta nhan, lhna lhta aptemak ma'a: —¿Ko la atnek ko'o avongkasalhkak tep, he? —lhna lhta aptemak.

Hechos 2:37

Avanhek ankek nak altaikama apvalho'ok apkellengai'o m'a, ka apkelelmalhnengvekho lhnak Pedro kakpota nhan apketlhelhma'ak nema allapaskamo, lhna aptaiangkok: —Elialheng'a, ¿ko la antemeskesangkok ennengko'o m'a, he? —lhna aptaiangkok.

Hechos 9:6

etnemekha neten, etalhnengvom hata ha'e apnakha natemma, hata ngkolhek altennaso ania'a lheiap ma'a —lhna aptemak ma'a.