Juan 5:44 - Nuevo Testamento Toba Maskoy

⁴⁴ Mankollapvankek nkolhnangkok meliaskeiam ketlhengkap ngkanek vanlha mota apteniaikamok eleltangko mota enenlhet apkeliamolhma ketlhengkap. Meteniaiangkok na apketlheianma la Eniapom Neten apto apveske vanlha lhema aphapak apanke etlhenek apkeliamolhma ketlhengkap ma'a.

Juan 5:44 Iomraidhean Croise

Lucas 19:17

Koka lhna aptemak apveske apkatemmoiangka: "Ntasek anko ie', lheiap apto heliehekho, ketse lhta niekhe aspekkenkasekha patakkom, apvankek koka etaqmelkesek lheiap. Kolhvave nak atneskesek hata apveske 10 natemma lheiap", lhna aptemak ma'a.

Juan 12:43

Apkeleltave lhta nhan eliaspama aptangkolha m'a, man koka eteniaiangkok eliaspama aptaiangkolha Eniapom Neten ma'a.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 3:20

Lhamakho apkellelto nak apkellanekamok ngkollatsekama, apkeltaknevakkek apommatma nak. Melteteska'ak na atsai'o lhma kakpota melvetakpek neksa apkellanekamok qaselha ngkollatsekama m'a.

Juan 5:41

Moteniak ko'o apkeltemeskeskama la akiavai'a asvesai'a enenlhet'avok.

Juan 8:43

Meliehek ketlhengkap aktakha nak alheianma ngkanek mankollekok apvalho'ok aktakha askeltennaikama.

Romanos 2:10

Eniapom Neten hato ka etlhenama apkelvesai'a apkellelto nak apkellanekamok qaselha altaqmelo, eltemeskesek hata nhan apkelientalhnemo. Ngkolhek hata nhan allak'o, etlhevangkok hata nhan altaqmelaikama apvalho'ok apmaniaie' judios, netamen hata m'a metnangko nak judios,

Romanos 2:29

Koka judio apankek ma'a apto akietnema apvalhok malha akiaqtemenammalhka nekha tkok napaqtek Eniapom Neten aniem'o m'a Espíritu, have aniem'o henganemakha nak Moises. Ka enenlhet anak emok hata takha m'a Eniapom Neten, niekhe apkeltaknommap anak aniem'o enenlhet.

Romanos 2:7

Ellangkok hata nhan ma'a aliennaktema apnenio'ok apkellelto apkelvaskapma apkellanekamok la aktaqmelo, apteniaikamok na nkolekkasama apvalhok Eniapom Neten, apteniaikamok na ngkolhek allangko aliennaktema apnenio'ok, kakpota nhan ngkolhek altemeskesangko apkelientalhnemo.

1 Corintios 4:5

Ka ngkanek mangkolatsema etlhenek ketlhengkap apketselhnanemmap po'ok la'a, ellaielh koka akvakmo aknem apvektanlha ta apto Apveske, hata el·hatsoksek qaselha alposemmalhka apvalho'ok anak kakpota enengkanvetak alhnakhoho, ngkolvetalhkak hata nhan m'a, etlhevangkok hata alianmoma alietakhelha la m'a.

2 Corintios 10:18

Koka akhemo m'a angelalhkok enganko'ok engankavek, ntasek koka Apveske nak nkalhkok apvalhok aniem'o nenmakmesaikama m'a.

Filipenses 2:3

Metnamo nkek apkelammakpo, mellanamo nkek na qaselha apkelaskesammap ame', eltamok koka nalhep'avek apvalho'ok, eltemeskes hata nhan neten apankavek po'ok la'a have aptangko nak ketlhengkap.

1 Tesalonicenses 2:6

Ma lhta nhan anteniaiangkok hengeltemeskesek ketlhengkap kanhan po'ok enenlhet la'a neten engankavek ennengko'o.

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

Hebreos 3:12

¡Ellaho ta elialheng'a! Metnamo nkek na ngkollatsekama apvalho'ok nkeltemeskaskek na apkeliaskeiam ma'a kakpota nkolienieskasekhak na Eniapom Neten apto mangkotnengvaiam annelha apkaniemhaikama.

Santiago 2:1

Ketlhengkap elialheng'a, meliaskeiam Jesucristo apveske engankok aknema apmopvana, ka ngkanek mangkolatsema aptangko la melhneskamo mo'ok apkellanei'o po'ok.

1 Pedro 1:7

Koka aliepkonma nak akmahai'a nkotalhka aknangko nlho aliennaktema meliaskeiam, nlho ka la nkoliennaktema meliaskeiam. Malha talha nak akmahai'a nkoiekpelkok oro nke nlho ka la nhan have oro nke. Hai, apkelvaskapo la ketlhengkap neksa akvai'a aliepkonma, koka nnankek ketlhengkap meliaskeiam akto neten ankek akmennave nkoie' mangkolhnok ma'a oro nak akmovana nkomaskengvomok. Hata apvaktamo ta Jesucristo eliavenkeskasama ta apkelvesai'a ketlhengkap, eltemeskesek hata nhan neten apankavek, ellahok hata nhan ma'a.

Judas 1:25

Hai, angelvenkesama ta kolhvave nak emmanie ta nhan metka nnelha apto lhema phapak apveske, Eniapom Neten, hengvonkeskama tep nahan aniem'o Jesucristo. Apientalhnemo, apkapommatema apankek nahan, neten apankek, aknema apmopvana apankek na m'a. Amen.