Juan 5:39 - Nuevo Testamento Toba Maskoy

³⁹ Apkeltakmelkasavek niekhe apkelietsatekamok Vakkahak Eniapom Neten Apaivoma ketlhengkap, ngketlheianmek apvalho'ok elvetangvomok hata m'a aliennaktema apnenio'ok mankotnengveianlha nnelha, koka helheianme' ko'o vakkahak anak aktalhesammalhka.

Juan 5:39 Iomraidhean Croise

Marcos 10:3

Ka apkellatemmoiangka lhnak Jesús ma'a: —¿Ko la aktemakha henganemakha Moises, he?

Marcos 12:10

Kotlheianvakho no apvalho'ok aktemakha aklheianma Eniapom Neten apaivoma, ka ntemak heng: «Metaimong alhta apkelhakhama apkellanekamok pa'at, koka ntakhek neten ankek akiaspommalhka m'a.

Lucas 16:29

Koka lhnak aptemak Abraham apkatemmoiangka mokhom: "Nietnek vakkahak apanko'ok Moises ma'a kakpota nhan apkeleltennasemmap ania'a annenga, ntasek elelietsatangkok, eleliehekhok nahan".

Lucas 16:31

Koka apkatemmoiangka lhnak mokhom Abraham ma'a: "Meleliahakho la ley Moises kakpota nhan vakkahak apanko'ok apkeleltennasemmap ania'a, kakpota nhan meleliehekhek hata nhan ma'a lhema aphapak apmaskengvaiam apmeiakho la m'a apkakhangkelha", lhna aptemak Abraham.

Lucas 24:25

Ka aptemo lhnak Jesús apkellanemo m'a: —Koka mankotlheiangvakhok apvalho'ok ketlhengkap apketlheianmo lhnak nanek apkeleltennasemmap ania'a nnenga ngkotnek hata m'a,

Lucas 24:27

Ka apkelpeiveskasekho lhnak Jesús aktemakha aktalhesammalhka Vakkahak Eniapom Neten Apaivoma aplhenammap Cristo, ampai'o lhnak nanek aktalhesammalhka ley Moises, ka amhaiangko nhan vakkahak apnaktalheskama lhnak nanek apkeleltennasemmap ania'a annenga.

Lucas 24:44

Netamen nak Jesús ma'a lhna aptemak apkellanemo mokhom: —Aktakha nak asvetammalhka ko'o, askeleltennaskangke lhta mota ketlhengkap, ntemengkek askaniemhaikama aklheianmo lhnak nanek ley Moises, apkeleltennasemmap ania'a annenga kakpota nhan vakkahak Salmo hetlheianma ko'o —lhna aptemak Jesús.

Juan 1:45

Netamen apmeiakho lhnak Felipe apiantengvekho Natanael, lhna aptemak apkanemo: —¡Nelvetakhek lhek ennengko'o aklheianmo ley Moises anak kakpota nhan vakkahak apkeleltennasemmap ania'a annenga, Jesús ko Nazaret lhaiek, José apketka! —lhna aptemak Felipe.

Juan 5:32

Apnek koka po'ok enenlhet apto have niapak ankek helheianma, asiave ko'o aplheianma mota apto have niapak anke'.

Juan 5:36

Helhenke lhta ko'o Juan napaqtavek ketlhengkap astemakha, kotlheianvom koka apvalho'ok apkelvet'ak lhamakho aktemakha aspeneskama lhta aniem'o apkeltemo Eniapom alanak, kakpota eliangvomhok asto heiapaskama Eniapom anak.

Juan 5:40

Man koka helketamak ketlhengkap kakpota allangkok aliennaktema apnenio'ok.

Juan 7:52

Ka apkellatemmongka lhta m'a, lhta aptangkok: —Lheiap anak na apto malha ko Galilea. Eltameso no apkelanei'o henganemakha Moises, mamma lhema apkeltennasemmap ania'a enieniemak ma'a Galilea —lhta aptangkok ma'a.

Hechos 13:27

Apkellelto lhta apkelemhama apmaniaie kakpota nhan enenlhet'avok apkellavakha nak ma'a Jerusalen, ma lhta nkotlheianveiakmok apvalho'ok apto m'a Jesús. Lhamakho aknem nennekhelha sabado lhta nha niekhe apkaknekhak ma'a akieto apkaqnekhelha apkelietsateiangko lhta nhan apnaktalheskama apkeleltennasemmap ania'a, koka nkaqhemavek apnaqtevaskangkek Jesús. Aptaiangkek ma'a aktemakha apketlheianma apkeleltennasemmap ania'a annenga ngkotnek hata m'a.

Hechos 17:11

Apkeltakmelkasemmakpo apankavek nak ma'a judios, havek lhnak aptangko nak judios ko Tesalonica, apkelleltakmelkeskamavek nak apkellailhemo apketlhekmoskama Pablo. Apkelleliaiangka lhnak na Vakkahak Eniapom Neten Apaivoma kakpota elvetak have niapak ankek aptemakha apketlhekmoskama Pablo.

Hechos 26:27

¿Mai'e ei'askeiakmok lheiap Agripa aktemakha apketlheianma apkeleltennasemmap ania'a annenga, he? Asiavek ko'o mei'askeiakmok lheiap —lhna aptemak Pablo.

Romanos 1:2

Apkeleltennaskangkek nak nanek lhema apaivoma apkeleltennaskama ania'a apankok have niapak ankek nkovak hata ania'a aktaqmanma nak, nietnengkek ma'a aktalhesammalhka Vakkahak aktaqmanma nke' Eniapom Neten Apaivoma.

Romanos 3:2

Hai', avanhek ankek aktemeskesaikamok neten apankavek ma'a aniemai'o m'a apkellaikamok apaivoma Eniapom Neten ma'a.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

Hebreos 11:16

Koka apkelleltemavek nak nanek elvetak mo'ok apkellavakha akieto m'a neten, ka ngkanek akhaiangka lhnak nanek na apvalhok Eniapom Neten ma'a aptemo apveske apanko'ok, apkelpeneskeskamo nhan lhema apkellavakha m'a.

Hebreos 11:35

Moklhem'a ngkelvana'ak lhnak nanek na nketlhevekhak atkak apkeletsepma m'a apnaklhatekhangveiam aniem'o lhnak nanek na nkoliaskeiam. Moklhem'a lhnak nanek na nnemak aknaqtevaskamo m'a aniem'o meliaskeiam, mang nak nanek na eleltemo niekhe ngkolhek al·hatsoskakho m'a ngkanek apkeliamavek niekhe eletsepok hata kakpota enaklhatekhangvomok mokhom elvetangvomok na aktaqmanma apkellangiemhaikama m'a, mankolhno hengke'e nalhepop anak.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.