Juan 5:26 - Nuevo Testamento Toba Maskoy

²⁶ Eniapom anak nietnek apmopvana kakpota ellangkok aliennaktema apnenio'ok enenlhet'avok, apkanke lhta nhan Apketka apmopvana kakpota ellangkok hata aliennaktema apnenio'ok enenlhet.

Juan 5:26 Iomraidhean Croise

Juan 1:4

Koka heng Apaivoma nak nietnengkek nak akiennaktema enneniek mankotnengvaianlha nnelha. Ka akiennaktema enneniek anak akto apommatma apieseksek enenlhet'avok lhmankek ham.

Juan 10:18

Astema ehenkek askaikamok asiennaktema, mamma enenlhet helekkesek ma'a, nietnek asientalhnemo kakpota allangkok, amekhok mokhom takha m'a, ngkanek Tata aptema m'a —lhta aptak Jesús ma'a.

Juan 11:25

Ka apkatemmongka lhta mokhom Jesús, lhta aptak: —Ko'o asto nak asnaklhatekhaskeiam enenlhet apieseksek apkenmaskengvaiakmo, askellaikamok na aliennaktema apnenio'ok. Apkellelto la mangheliaskeiam enenlhet, nkaqhok eletsepok, elloka koka mokhom ma'a.

Juan 11:26

Koka meletsepo mokhom kolhvave nak mangheliaskakmo la'a, meletsepek hata. ¿Mmai'e nkoi'askakmok lheia astakha nak, he? —lhta aptak Jesús.

Juan 14:19

Ketsek nkaimelhkak manghelvetekhek hata enenlhet'avok nalhepop anak, ketlhengkap hato ka helvetekhak hata, elloka ta mokhom ma'a tep ngkanek ko'o aloka ta nhan ma'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 4:10

Ka apkatemmoiangka lhna lhta Jesús ma'a, lhna lhta aptemak: —Mangheiekpelkak lheia', mankoihek na apmak'akha eniangkok hata lheia' Eniapom Neten. Ko lhtema nak heiekpelkema lheia', henmalhnama nlho lhkek iemmen kakpo lhkek na angvangkok iemmen aktaqmanma akmases anko ie' —lhna lhta aptemak.

Juan 6:57

Eniapom apto alhta heiapaskama nietnek apiennaktema, heiangkek na ko'o apiennaktema m'a, enenlhet aptavo la ehepetek anak, ngkoitek hata nhan apiennaktema.

Juan 8:51

Enenlhet apkellelto la apkelleliehekho aspaioma nak, melletsepek hata, have niapak ankek astakha nak —lhta aptak.

Hechos 17:25

Mankaimommalhkak na enenlhet la apasmoma m'a ngkanek apto nhan aniem'o apkellaikamok apkeliennaktema, apkellaikamok na apkelamnoma kakpota nhan lhamakho qaselha alaimommalhkelha la enenlhet'avok.

1 Corintios 15:45

Ka aktemo nak na aktalhesammalhka vakkahak Eniapom Neten apaivoma: «Nnengkek nak aiangko akiennaktema apkaniemhaikama apmanie pankek enenlhet apteiapma apvesai'a Adan». Koka malha alhaiek ankek apkemhaiam malha Adan koka apto apvanmongkoma hengaikamok neniennaktema.

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

1 Timoteo 6:16

Apto nhan lhema aphapak menietsepma, apto apkaniemhaikama nhan aiseksek atsak'elha lhma, mamma nhan nkoteteskamok ma'a, mamma nhan enenlhet apto apvetai'a m'a ngkanek na mongapvankek angellanhok ma'a. Apto nhan vanlha lhema aphapak akietnema apmopvana m'a, ntasek angellaho mota m'a metka nnelha. Amen.

Hebreos 1:2

Koka apkaktengaikamok nenvanlha nak, ketse nkaimelhkak aktemongvaianlha ta nnelha aknem lhmankek ham, aplheianmo nhan ma'a aniem'o Apketka apanke', apto lhnak nanek na apmaikama apkelanei'o lhamakho qaselha lhmankek ham, apkellaikokho aptemeskeskamo nhan apanko'ok lhamakho qaselha lhmankek ham.

Apocalipsis 21:6

Netamen ma'a, lhta aptak na mokhom heiano: —Mpenesalhkehe, ko'o asto nak alfa kakpota nhan omega, ampakhasekha kakpota nhan aktakha nnelha. Enenlhet akiemak'o la apiaspok, angvangkok hata apiama iemmen akteiapma nalhepop hengaikamok akiennaktema nenganiemhaikama, metka akianmoma.

Apocalipsis 22:1

Heteskaske lhta mokhom ángel alvata alhnai'o nkek iemmen akto lhta nhan akiennakteskama enneniek ma'a, malha lhta akto nak ieiam appok nenvetangveiakmo taiep. Ntepke lhta alvata akieto naqtek aptanema Eniapom Neten kakpota nhan Nepkesek Apketkok.

Apocalipsis 22:17

Espíritu ka nhan ngkelvana nema akmahai'akha, lhta ntangkok ma'a: —¡Elheng! —lhta ntangkok ma'a. Koka aplhamakho apkellelto apkellengai'a ania'a nak ntasek etnangkok na hengke'e: —¡Elheng! Koka enenlhet apkellelto la aliemai'a apiaspo'ok ntase eliangvetak iemmen hengke'e akto akiennaktema enneniek metka akianmoma.

Apocalipsis 7:17

Eltaqmelkesek hata mota Nepkesek Apketkok akieto m'a aiseksek aptanema apveske, malha akto nak ma'a apkellanekama nak nepkesek apkeliantemekha akieto akteiapmakha iemmen hengaikamok akiennaktema ennenio'ok, Eniapom Neten hata nhan el·hatsoskasangkok aimen'ok apaqto'ok ma'a —lhta aptak heiano m'a.