Juan 5:25 - Nuevo Testamento Toba Maskoy

²⁵ Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 5:25 Iomraidhean Croise

Lucas 15:24

Ngkanek apvaktaniek eietka malha apketsepma lhta aptemak, kolhva koka aphalhnankok mokhom, malha aplheneiam alhta nhan aptemak, kolhva koka asvetakhek mokhom", lhnak aptemak apiapom ma'a. Ka apkelempai'o lhnak apkellanekhak apkeltakha aktaqmelaikama lhma' ankok ma'a.

Lucas 15:32

Koka ntasek na angellanak aktaqmelaikama lhma, nkolpaihekhak na engvalho'ok apvaktaniek apialheng. Malha lhta apketsepma aptemak ma'a, aphalhnankok koka nelvetakhak mokhom, malha alhta aplheneiam na aptemak, koka nelvetakhek mokhom" lhna aptemak apiapom ma'a.

Lucas 9:60

Ka apkatemmoiangka lhnak Jesús ma'a: —Ellangko apkeletsepma elkatonnek apkeletsepmo lheme nak, koka lheiap emhamok ma'a epaieskam hata ania'a aktemakha aptema apveske Eniapom Neten —lhna aptemak.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 17:1

Netamen apeneskama lhta apkeltennaikama Jesús ma'a, apkammelho lhta neten, lhta aptak: —Eniapom, ngvakmek aknem kolhvave nak kakpota elvetaskesek hata lhamakho enenlhet'avok apmopvana Apketka. Etnek hata nhan Apketka apkelvetaskeskama lhamakho enenlhet'avok aktemakha apmopvana lheiap.

Juan 4:21

Ka apkatemmoiangka lhna lhta Jesús ma'a: —Nkanketakmek aknem menmeiakhek hata metaimong akhaiam anak kanhan Jerusalen apkenmahai'a ellasennama Eniapom, have niapak ankek astakha nak.

Juan 4:23

Eniapom Neten apto malha eniempehek, ngva'ak aknem kolhvave nak akto have niapak ankek aktemakha apkellasennaikama Eniapom. Nkoltemeskesek hata iokhalhmek ankek apkellasennaikama m'a aniem'o Espíritu apankok ma'a, ka apkeltemak etnangkok Eniapom ma'a —lhna aptemak Jesús.

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

Juan 5:28

Molpelapkesangkek apkellengai'a astakha nak alheianma, nkovak hata aknem apkellenganveiam apaivoma Eniapom Neten Apketka apkellelto apnangkongvaiam ma'a nemakha aknengkanveianlha enghapak,

Juan 6:60

Ka apkelleng'o lhta apkellelto apkeltamesaikamok Jesús ma'a, lhta aptangkok: —Nientelhek ankek ammok takha hengetlhekmoskama nak, mankapvankek enenlhet eliehekhoho —lhta aptangkok.

Juan 8:43

Meliehek ketlhengkap aktakha nak alheianma ngkanek mankollekok apvalho'ok aktakha askeltennaikama.

Juan 8:47

Eniapom Neten apketkak la'a apkeltakmelkasavek mota apkellailhemo aktakha aplheianma Apiapom, koka mellailhemok ketlhengkap, ngkanek have Eniapom Neten apketkak —lhta aptak Jesús.

Juan 9:27

Ka apkatemmoiangka lhna lhta mokhom ma'a, lhna lhta aptemak: —Askeleltennaskek lhek ketlhengkap, koka man lhek hellailhoho. Se lha ngkotnek altakhengveskakha alheianma, ketlhengkap kelha nhan apkenmak'ak etnangkok apkeltamesaikamok ma'a —lhna lhta aptemak.

Romanos 6:4

Neksa lhta nema hengellavkesaikamok konne iemmen, malha lhta nha ntemak nelkatonnammalhka lheme Cristo m'a, malha lhta nhan neletsepma lheme. Koka akmaskemakha lhta nhan hengenmaikama mongeliamolhma m'a, kolhva koka envanka'a mota angellanangkok qaselha altaqmelo, nnavek ma'a Cristo aplhatekhangveiakmo lhta apieseksek apkenmaskengvaiakmo aniem'o akiavai'a apmopvana Eniapom Neten.

Efesios 2:1

Malha apkeletsepma lhta ntemak ketlhengkap aniem'o meleliehekho apkellaskamakha Eniapom Neten, qaselha ngkollatsekama apkellanekamok ma'a.

Efesios 2:5

Niekhe lhta malha nengeletsepma' aniem'o nellanekamok ngkollatsekama, hengellaiangkek koka nentaikamok enhalhnanko'ok ka aptemo lhta nhan apkelanei'o Cristo. Hengelvongkeskangkek na tep Eniapom Neten aniem'o aktaqmanma nkek hengellanei'o.

Efesios 5:14

Ka nkanek nemo nak aktemo henke'e: «Elhatakha lheiap apto apteianma, etnemekha neten apieseksek apkenmaskengvaiakmo kakpota eniapommetek hata takhaplhet Cristo», lhna nnema aktema m'a.

Colosenses 2:13

Lhennenga lhta nhan ketlhengkap malha apkeletsepma lhta ntemak aniem'o meliamolhma, aniem'o nhan metka nhan nema aliaqtemanma nekhatkok apiempeiok meliamolhma nak, kolhva koka apkellangkek Eniapom Neten aliennaktema apnenio'ok lheme Cristo, kakpota nhan etneskesama apankek lhamakho apkeltemakha ngkollatsekama aniem'o apkelpasmekha Cristo.

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.