Juan 5:23 - Nuevo Testamento Toba Maskoy

²³ Kakpota ellahok aplhamakho enenlhet Apketka, nnavek na ellahok Eniapom. Mang hata nkek ellahok na Apketka nak, mang na ellak'ok Eniapom apto lhta apkapaskama Apketka.

Juan 5:23 Iomraidhean Croise

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

Juan 14:1

Lhta aptak Jesús apkellano apkeltamesaikamok: —Moltama nkek apvalho'ok, meliaskem na Eniapom Neten kakpota nhan ko'o.

Juan 16:14

Eliangveskeskamhok hata nhan ko'o asto asientalhnemo, eleltennaksek na astakha aspaioma aplengai'a m'a.

Juan 17:10

Aplhamakho apkellelto lhta hellaikamok apkeleltemo altakmelkeskesek, enenlhet apanko'ok lheiap ma'a, apkelvetaskaskek asientalhnemo apieseksek enenlhet'avok hengke'e nalhepop anak.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Romanos 15:12

Lhnak nanek na aptemak apkeltennasemmap ania'a Isaias: «Nkotiepok hata malha apiapmenek Jesé, etnek hata apveske takhaplhet'ok lhamakho apkellavakha, ngkoitek hata alel·halhnekama apvalho'ok aplhamakho enenlhet'avok aniem'o m'a», lhna aptemak Isaias.

Romanos 6:22

Kolhva koka nnengkek alpaqnengkasekho neksa anmaikama ketlhengkap ngkollatsekama nak, aptangkokhek apkellasennaikama Eniapom Neten, apvanka'ak na elentepkeskesek elvanengkesek qaselha altaqmelo, kakpota nkolhnangkok na aliennaktema apnenio'ok nkotnengvaianlha nnelha.

Romanos 8:9

Ketlhengkap koka melieplavkasak aliaspongkomakha nak apvalho'ok, apkelieplavkaskek koka m'a aptemakha Espíritu apankok Eniapom Neten. Koka metko la apvalho'ok Espíritu apankok Cristo, have nhan apkennemolhema m'a.

1 Corintios 1:3

Askeltavek Eniapom Neten kanhan Apveske engankok Jesucristo eltaqmelkeskesek apkellaniemhaikama ketlhengkap ham, ellangkok na altaqmelaikama apvalho'ok.

1 Corintios 10:31

Ntasek ellaho Eniapom Neten neksa apkenmahai'a etavangkok, einangkok, kanhan lhamakho qaselha apkenmak'akha la ellanangkok.

1 Corintios 16:22

Apno la enenlhet meniasekhai'o Apveske, nema akiematkeskama ta ma'. ¡Apkelhiakmek Apveske!

1 Corintios 6:19

Apkeliavek ketlhengkap apkeliokha nak malha pa'at apnemakha Espíritu Santo apkellaikamo lhta Eniapom Neten, have apanko'ok apankavek apkeliokha nak ketlhengkap, koka apto apanko'ok ma'a Eniapom Neten,

2 Corintios 1:9

Malha lhta ntak netlhenammalhka la antekio'ok ma'a, ma lhta nhan angellapvanka'ak angelpasmalhkok engankave ennengko'o m'a, vanlha lhtoka nellailhak hengelvongkeskama la tep Eniapom Neten apto akietnema apmopvana akvakmo nhan henlhatekhaskamok neksa nengetsepma la'a.

2 Corintios 5:14

Hai, avanhek ankek na hengeliephesekama angellasekhekhok ketlhengkap aniem'o Cristo m'a, ampai'o lhta nhan neliangveiakmo apketsepmo lhta lhema enenlhet apkeliaqmoiekha aplhamakho enenlhet lhmankek ham, ka nkeniemai'ak ma'a malha apkeletsepmo lhemek ma'a.

2 Corintios 5:19

Apkapaskangkek Eniapom Neten Cristo kakpota etnek apkellasekhaskesekho aplhamakho enenlhet'avok ma'a, etneskesama nhan apankek apkeliekai'a meleltemakha etnangkok ma'a. Hengellapaskama nhan ennengko'o kakpota angelleltennaksek ania'a nak.

Efesios 6:24

Askeltavek na Eniapom Neten eltaqmelkeskesek akiavai'a nkek apkellaniemhaikama apkellelto nak apkellasekhai'o metka nnelha Apveske engankok Jesucristo. Amen.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

Hebreos 1:6

Neksa apkapaskama lhta apketka apvetai'a apmanie nalhepop anak, lhna aptemak: «Ellasennama ta aplhamakho ángeles apanko'ok anak Eniapom Neten».

2 Pedro 1:1

Ko'o Simon Pedro asto heiapaskama kanhan heiasennaikama Jesucristo, nlhenkek evalhok aplhamakho apketlhevai'a nak mangiaskeiam aktaqmanma nke', ka kto nak ennengko'o aniem'o nak Eniapom Neten kanhan Jesucristo apto apeivomo kanhan hengelvongkeskama tep.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

1 Juan 2:23

Enenlhet apto la aptaqnongkoma Apketka nak ma'a, aptaqnevakkek na m'a Apiapom anak, koka apto la nhan enenlhet apmama takha Apketka nak ma'a, apmek na takha Apiapom anak ma'a.

2 Juan 1:9

Enenlhet apto la apmahai'a eiaqmongkasekhak mo'ok hengetlhekmoskama lhta Cristo, have nhan nengaqtek Eniapom Neten ma'a. Koka apto la aptaqmelkeskama hengetlhekmoskama Cristo, koka apto apnemo lhemek Eniapom kanhan Apketka.