Juan 5:15 - Nuevo Testamento Toba Maskoy

¹⁵ Netamen apmeiakho lhta mokhom akieto neptamen enenlhet, apkakhangkolha apkelemhama apmaniaie' judios, lhna lhta aptemak apkellanemo m'a: —Kolhva asiavek apto lhkek hetaqmelkaseha', Jesús lha iek —lhna lhta aptemak ma'a.

Juan 5:15 Iomraidhean Croise

Marcos 1:45

Koka apketkasekama lhnak ania'a lhamakho iokhalhma, lhna songkek na Jesús mevomek moklhem'a la iokhalhma aniem'o apkeliasekamo lhma enenlhet'avok ma'a. Metkelha temma lhnoka aplomaka mota m'a, koka apentelhek nak na enenlhet apkelioiam apnaianlha mota m'a.

Juan 1:19

Apkelanma apmaniaie ko Jerusalen apkellapaso lhta sacerdotes kakpota nhan levitas kakpota elelmalhnengvomok Juan. Apkenmahai'a eliohok aptemakha m'a, ka apkatemmongka lhta iokhalhme kankek Juan ma'a, lhta aptak: —Have ko'o asto Cristo —lhta aptak.

Juan 4:29

—¡Enenlhet lhek ha'e, apiavek lhek lhamakho astemakha, nok noho, Cristo kelhaha! —lhna lhta ntemak ma'a.

Juan 5:10

lhna lhta nkeniemai'ak na apkelemhama apmaniaie' judios aptaiangkok apkellanemo aptaqmalveiam enenlhet ma'a, lhna lhta aptaiangkok: —Sabado aknem anak nennekhelha, mankoltemak ley ampatmok nema hentangkeskama la'a —lhna lhta aptaiangkok ma'a.

Juan 5:12

Apkelelmalhnekhavek na lhta mokhom apkelemhama apmaniaie' judios, lhna lhta aptaiangkok: —¿Se lhkek enenlhet apkeltemo lhnak lhek epatmok aptanema ntanema nak kakpota nhan elhong, he? —lhna lhta aptaiangkok ma'a.

Juan 5:16

Apkelempai'avek na lhta apkelemhama apmaniaie judios apkenmahai'a emenlhenama Jesús ma'a, lhta songke apmakmeiangka aptaqmelkeskaiakmo akmaska apiempek aknem sabado nennekhelha.

Juan 5:18

Apkellavke lhta apkelemhama apmaniaie judios ma'a, apkenmak'ave lhta ennapok Jesús ngkanek apmakmeiangka aknem sabado nennekhelha, aplhenakpe lhta nha apankek apto Eniapom Neten apketka, apnemo nhan Eniapom Neten.

Juan 9:15

lhna lhta aptaiangkok apkellanemo m'a: —¿Ko la aktakha apvetakho na lhma lheiap? —lhna lhta aptaiangkok. Ka apkatemmoiangka lhna lhta m'a enenlhet, lhna aptemak: —Nialpa lhkek hetneskasak ehaqto'ok anak, ka askelienieskakho nhan, asvetakho nha lhma —lhna lhta aptemak.

Juan 9:25

Ka apkatemmoiangka lhna lhta enenlhet aptaqmalveiam, lhna lhta aptemak: —Moihok ko'o, vanlha lhta metka ehaqto'ok ko'o, kolhva asvetekho na lhma —lhna lhta aptemak ma'a.

Juan 9:30

Ka apkatemmoiangka lhna lhta mokhom enenlhet aptaqmalveiam, lhna lhta aptemak: —Niemaskek lhek ko evalhok ma'a ketlhengkap koka meliohok apkeniem'akha m'a enenlhet anak apto lhkek hetaqmelkasekha, tokha kelha apkeniem'o Eniapom Neten ma'a. Ka apto la apkelanai'a ngkollatsekama enenlhet anak, Eniapom Neten mankapvankek engkesek apmopvana kakpota hetaqmelkasekha. Mangelvetai'ak ennengko'o akto nak nenieseksa, alhnakho nenvetai'a apkeniem'o Eniapom Neten ma'a enenlhet anak —lhna lhta aptemak.

Juan 9:34

Koka lhna lhta aptaiangkok mokhom apkellanemo apkelemhama apmaniaie judios, lhna lhta aptaiangkok: —Apteianlhasekha lheiap aknaikamok ngkollatsekama apvalhok, mankapvanke hengetlhekmoksek ennengko'o lheiap ¡Etiep, mevatamo nkek mokhom nengaqnekhelha nak! —lhna lhta aptaiangkok.