Juan 4:23 - Nuevo Testamento Toba Maskoy

^23-24 Eniapom Neten apto malha eniempehek, ngva'ak aknem kolhvave nak akto have niapak ankek aktemakha apkellasennaikama Eniapom. Nkoltemeskesek hata iokhalhmek ankek apkellasennaikama m'a aniem'o Espíritu apankok ma'a, ka apkeltemak etnangkok Eniapom ma'a —lhna aptemak Jesús.

Juan 4:23 Iomraidhean Croise

Juan 12:23

Ka apkatemmongka lhta Jesús, lhta aptak: —Kolhva ngvakmok aknem Enenlhet Apketka nak ngkolhek hata aktemeskeso neten apanke'.

Juan 16:2

Nkolhek hata nhan alentepkaso konne apkaqnekhelha nak judios, etekio'ok hata nhan ketlhengkap, nkotlhenek hata apvalho'ok ma'a enenlhet'avok anak aniem'o apkellasennaikama Eniapom Neten.

Juan 16:32

Have niapak ankek ngva'ak kolhvave nak enieniangkok hata ketlhengkap. Enielhpaqnekha ta nhan, helieniekhak hata elhepkennenga. Koka molhek hata elhepke, Eniapom hato ka alhelhma m'a.

Juan 4:21

Ka apkatemmoiangka lhna lhta Jesús ma'a: —Nkanketakmek aknem menmeiakhek hata metaimong akhaiam anak kanhan Jerusalen apkenmahai'a ellasennama Eniapom, have niapak ankek astakha nak.

Juan 5:25

Have niapak ankek astakha nak, ngva'ak aknem kolhvave nak apkellelto nak apkeletsepma elleng'ak hata apaivoma Eniapom Neten Apketka, ngkoitek hata nhan aptaikamok aphalhnanko'ok.

Juan 5:28

Molpelapkesangkek apkellengai'a astakha nak alheianma, nkovak hata aknem apkellenganveiam apaivoma Eniapom Neten Apketka apkellelto apnangkongvaiam ma'a nemakha aknengkanveianlha enghapak,

Romanos 1:9

Eniapom Neten apto apveske ehenkok, askasennaikama mota asteniai'o nak eiempehek aspaieskamo nak ania'a aplhenammap Apketka, apiavek na m'a atlheianmo mota evalhok ketlhengkap ham.

Romanos 8:15

Metlhevangkok ketlhengkap apvalhok anmahai'a nak nkoltemeskesek malha allasennaikama nema apkelianmoma, ka nhan altemeskeskama nak apkellai'a mokhom, apketlhevangkek koka Apvalhok apkeltemeskeskama Eniapom Neten apketkak. Kolhva koka apvanka'ak elteteskakhak Eniapom Neten, apvanka'ak na elpaqmetkesek nalhepe' apkelpaqmeiasma ellanhoho', etnangkok ellana hengke'e: —Ta.

Romanos 8:26

Mongeliennaktema ennengko'o, mangeliohok na aktemakha akpeivomo nengenmalhnongkoma Eniapom Neten, koka Espíritu Santo hengelpasmak ma'a, apkelmalhnema apmalengioikama Eniapom Neten kakpota hengeltaqmelkese mota m'a, mangeliohok ennengko'o aptakha mota.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Efesios 6:18

Elelmalhna ta mota Eniapom Neten, ellapiosama ta nhan aniem'o Espíritu anmaikama. Elel·halhnama ta metka apkel·halhiongvaiam, ellapiosakpo ta nhan apkelelmalhneskeskama aplhamakho apkelpokkenammap anak.

Filipenses 3:3

ngkanek aplhamakho apkellelto nak apkellasennaikama Eniapom Neten aniem'o nhan Espíritu, malha nhan nema aliaqtemanma nekhatkok apkellammelhakha m'a ntak napaqtek ma'a. Koka akto nhan neten ankek akiaspommalhka m'a mangkolhnok ma'a aliaqtemenammalhka nekhatkok apkellammelhakha judios apankave'. Nkellaqhama ennengko'o engelvalho'ok aniem'o mongeliaskeiam Cristo Jesús, mongelleltemo ennengko'o ngkolhek hengelleltaqmelkeskaso aniem'o nelieplavkeskama aptaiangkolha nak judios.

1 Pedro 2:9

Ketlhengkap koka apkeliekiesaiangkek Eniapom Neten kakpota etnangkok apkennemolhema, apkellelto nhan sacerdotes apkellasennaikama apiav'akha apveske, apkellelto nhan lhema apkavakha apkelpokkenammap aniem'o apkenmama apianmongkeskama Eniapom Neten, apkeleltemo nhan eleltennasangkok lhamakho qaselha hempelapkeskama apkelanai'a m'a, aplaqlosengvekho m'a ienaqtesakha lhma ketlhengkap, aplaqlekho m'a akieto malha apommatmakha atsaskamo nke lhma