Juan 3:8 - Nuevo Testamento Toba Maskoy

⁸ Nkelhkakme mota alhkaiam akmak'akha la nkolhkama, nenleng'a niekhe alhkakmo, mang koka aniohok aktepakha alhkaiam, mangiohok na akmangkelha. Ngkotnek nan ma'a enenlhet apteiakmo la aniem'o Espíritu —lhna aptemak Jesús.

Juan 3:8 Iomraidhean Croise

Juan 1:13

Malha lhna lhta ntemak apalleiam alhnankok aniem'o Eniapom Neten, have m'a aniem'o apkeltemakha apankave nak enenlhet.

Juan 3:7

Motlapkes aplengai'a astakha lhkek alheianma nkaimelhkek etiemok malha mokhom.

Juan 3:9

Ka apkenmalhnekho lhnak mokhom Nicodemo m'a: —¿Niehe ngkotnek ma'a aplheno nak, he? —lhna aptemak.

Hechos 2:2

Ka akpelapkeskamo lhnak apkellengai'a akiennaktema nkek amnoma aniemei'o neten. Malha alhkaiam akiennaktema lhna ntemak ma'a, nlanengvai'ak nak ma'a akieto apkakhangkelha konne m'a.

Hechos 4:31

Ka akvaiakmo lhnak nnelha apkelelmalhnongkoma m'a, akievheiangka lhnak akietemelha apkaqnekhelha m'a, apkellapvai'o lhnak Espíritu Santo aplhamakho m'a, apkelteniaiavek nak na apiempeiok apketlheianma Eniapom Neten apaivoma m'a.

1 Corintios 12:11

Koka lhamakho qaselha nak nenmopvanka'a aniem'o m'a vanlha lhema Espíritu, apkennaskek apmak'akha la eniangkok apieseksek ma'a meliaskeiam la'a.

1 Corintios 2:11

Nnavek na apvalhok apanke nak enenlhet apiavek akietnaikama nak apaqtek enenlhet, kakpota nhan vanlha Espíritu apankok Eniapom Neten apiavek ma'a akietnaikama apaqtek Eniapom neten.

1 Juan 2:29

Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.