Juan 3:29 - Nuevo Testamento Toba Maskoy

²⁹ Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

Juan 3:29 Iomraidhean Croise

Lucas 15:6

Apvakhek hata nkek apnemakha m'a, ellavama ta apkennemolhema kanhan apkeltaiangkolha apketlhelhma'ak nengaqte, hata etnek: "Mpaihakhek ko'o evalhok, asvetakhek lhek nepkesek apketkok alhta aplheneiam, kolpaihekha ta nhan apvalho'ok ketlhengkap", hata etnek ma'a.

Juan 15:11

Ka astakha nak alheianma askeltemo nkolpaihekho mota apvalho'ok akiokho nkek lhemek ko'o.

Juan 16:24

Melelmalhnekama mokhom ketlhengkap akieplomo asvesai'a nak, elelmalhnama toka, nkolhe ta allangko m'a, avanhek hata nhan ngkotnek alpaihekha apvalho'ok ketlhengkap ma'a.

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 3:30

nkoiavangkok hato ka m'a apiaspommap ma'a, ko'o toka nkaselhtekha —lhna aptemak Juan.

2 Corintios 11:2

Have astema ehenkek askeliatekama nak, Eniapom Neten koka heiaikamok akiavai'a nkek askenmasmo mota altakmelkesek ketlhengkap kakpota meltemengvakhe lhma apankavek ham kakpota elpasmekhak na Cristo, malha kto nak ngkelvana atkok la metka nema akmangveiam alienlhaneiakmo nak akvakmo aliemhapo atava la aktema.

Filipenses 2:2

netamen elloka ta m'a metka akmaska apieseksek ketlhengkap ham, ellasekhok na po'ok, aknemo nhan mo'ok apvalho'ok, eteniangkok na aknemo mo'ok qaselha apanko'ok. Ka aptangko la ketlhengkap ma'a, nkopaihekhak hata evalhok ko'o.

1 Juan 1:4

Nennaktalheskaskek ennengko'o aktemakha qaselha nelvetai'a kakpota nkolpaihekhok ankek na apvalho'ok lhemek ennengko'o.

2 Juan 1:12

Hai, ntase, mantek niekhe mokhom asmahai'a aleltennaksek ketlhengkap ma'a, man koka nkomak'ak allapaskesek astalheskama vakkahak. Ntasek koka aniakha ehenkek ham kakpota alpaqmetkeskakha asiokho ehenkek napaqtavek ketlhengkap ham, kakpota hensavhok alpaihekhak engelvalho'ok nelpasmekha m'a.

Apocalipsis 21:9

Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.