Juan 3:26 - Nuevo Testamento Toba Maskoy

²⁶ Netamen nak ma'a apkenmeiekho lhnak apnakha Juan apkeleltennaskekho, lhnak aptaiangkok: —Hengetlhekmoskama, nlheianvakhave nlho apvalhok enenlhet aplheno lhta lheiap aptaqmanma apanke, aptemo lhna lhta aplhelhma lheiap nekha alvata Jordán na alhta. Kolhva koka apkellavkesangkek konne iemmen enenlhet'avok ma'a, apkelieplakhek na apentalhnema apanke enenlhet ma'a —lhna aptaiangkok ma'a.

Juan 3:26 Iomraidhean Croise

Juan 1:15

Neksa apvetaiangko lhnak Juan m'a, lhna aptemak apkellanemo enenlhet'avok: —Apva'ak hengke'e alheianmo lhta ko'o eva, neten na nkek apto apiaspommap hengke'e, molhnok ko'o, ngkanek lhennenga tep nak nanek apnema m'a, ko'o koka molhnemak ma'a —lhna aptemak ma'a.

Juan 1:7

kakpota etlhekmoksek aktemakha apvetaiangko m'a apommatema nak, meliaskame ta nhan enenlhet'avok ma'a.

Juan 1:9

Lhna nkeniemai'ak ma'a anketaiakmo akvai'akha nalhepop apommatema nak akto have niapak ankek atsaskeskama lhma ta aplhamakho enenlhet'avok.

Juan 11:48

Elhamangkok hata nhan enenlhet apkelieplekama ngkanek meliaskakmok na m'a. Ka manmangvakmo la ennengko'o m'a, netamen etlhenmak hata kempokhakme romanos, enaqtevaksek hata Eniapom Neten apnemakha enganko'ok anak kakpota nhan ennengko'o nelvesai'a judios —lhna lhta aptaiangkok ma'a.

Juan 12:19

Koka ma lhta nkollekok apvalho'ok fariseos, lhta aptangkok apkelpaqmetkasekpok mok apankavek ma'a: —Mamma antemeskesangkok angelienieskasekhak enenlhet'avok apkelieplekama nak ma'a, aplhamengkek na m'a —lhta aptangkok.

Juan 4:1

Apiave lhta Jesús apkellengai'o ania'a fariseos aplhamekamok apkeltamesaikamok apankok kanhan aplhamakma enenlhet'avok apkellavkesaikamok iemmen ma'a, aselhtek noka m'a Juan.

Juan 4:2

Koka have niekhe Jesús apkellavkesaikamok iemmen enenlhet'avok, vanlha lhtoka niekhe apkeltamesaikamok ma'a.

Juan 4:31

Koka apkeltamesaikamok Jesús apkeliatengke lhta m'a, lhta aptangkok: —¡Etavekha apketse! —lhta aptangkok.

Juan 5:33

Apkellapaske lhta ketlhengkap apkelennengkasekama m'a apnakha Juan kakpota helpeivesekhok ko'o, helhenke lhta ko'o Juan akto have niapak anke.