Juan 3:25 - Nuevo Testamento Toba Maskoy

²⁵ Apkelempai'o lhnak apkellatemommap moklhem'a apkeltamesaikamok Juan lhema judio m'a apkeltemakha lhta mota elalhnasekhak apiempeiok.

Juan 3:25 Iomraidhean Croise

Marcos 7:8

Have niapak ankek aptemakha nak aplheianma m'a, apkelhakhangkek ketlhengkap henganemakha aniem'o Eniapom Neten, koka apkelieplavkeskamak ma'a apkellanemmakpelha mota etnangkok aniem'o enenlhet.

Juan 2:6

Apnangke lhta nhan 6 ietangvalhva m'a, malha 100 litro lhta moklhem'a. Apkenmaiangka lhta mota neksa apkeltemakha judios kakpota elalhnasekhak apiempeiok napaqtek Eniapom Neten.

Hebreos 6:2

Mankaimelhkak ketlhengkap ma'a ngkolhek altaqhengveskeskakho nema atlhekmosekamo lhta ampakhasekha nke lhta aktemakha m'a nema henlavkeskama nak konne iemmen ankok, aktemakha nak apkakhesekamok apmeio'ok apietsekso'ok apkellelto Jesucristo apkennemolhema, aktemakha nhan nema apnaqlhatekhaskeiam apkenmaskengvaiakmo, aktemakha nhan nema ta aliekpelkemo emanie nak.

Hebreos 9:10

Hai, koka lhamakho henganemakha ankok anak ma'a aktemakha hengaskama anto'ok lhema qaselha la'a, kanhan neniama, nelienieskama qaselha la'a, akteniai'a lhna lhtoka niekhe alalhnasekha la engvalho'ok ma'a, koka akietkesammalhka niekhe m'a. Nkovak hato ka aktemongvaiam annelha m'a, ngkolhek hata akiaqmongkasakho mo'ok akto aktaqmanma nkoie.

Hebreos 9:23

Ka nkeniemai'ak ma'a aimommalhko lhta mota apkennapekamok apnaqtoskama kakpota ngkotnek malha alalhnaskama ema ankok qaselha aknaiangko m'a konne, malha nhan alietkesammalhka la m'a qaselha nak ma'a neten. Koka qaselha nak aknaiangko nak neten mankavankek nkolalhnaksek ema ankok nentoskama aptekioma la'a, vanlha lhtoka aimommalhko apketsepma apto neten apankek apiaspommap anak.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,