Juan 20:22 - Nuevo Testamento Toba Maskoy

²² Ka apkelvatepnapo lhta takhaplhet'avok ma'a, lhta aptak: —Apketlhevangkek Espíritu Santo kolhvave nak ketlhengkap,

Juan 20:22 Iomraidhean Croise

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 16:7

Ntasek hato ka ngkotnek apkellangiemhaikama ketlhengkap netamen ko'o astaqhakhok hata, ngkanek evak hata apto Hengiatekho niapom, koka moniakho la m'a, mongvapaksek na m'a.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 20:23

apkeltemeskesangka la apankavek ketlhengkap qaselha ngkollatsekama apkellanai'a po'ok, ngkolhek hata nhan aktemeskesangkankek ma'a. Koka meltemeskesangka la apankavek ketlhengkap qaselha ngkollatsekama apkelanai'a po'ok, mangkolhek hata nhan aktemeskesangkankek ma'a —lhta aptak Jesús.

Juan 7:39

Koka aptemakha lhta aplheianma Jesús ma'a aptemakha Espíritu, etlhevangkok hata m'a apkellelto la meliaskeiam. Mang koka evai'ak ma'a sekhe lhta m'a, amanie lhtoka sekhek nkaimommalhkek ngkolhek aktemeskeso apientalhnemo Jesús ma'a.

Hechos 10:47

Netamen lhna aptemak Pedro apkellanemo apketlhelhma'ak: —Eniapom Neten apkellapaskasak Espíritu Santo takhaplhet'ok enenlhet anak, nnavek na aktakha lhta ennengko'o m'a. Askanek ko'o mangapvankek angellaksek angellavkesangkok konne iemmen ham —lhnak aptemak Pedro m'a.

Hechos 19:2

lhnak aptemak Pablo: —¿Ma nlho etlhevaiangko Espíritu Santo ketlhengkap neksa aptaikamo lhta meliaskeiam, he? —lhna aptemak. Ka apkellatemmoiangka lhnak enenlhet'avok ma'a, lhna aptaiangkok: —Mma', mongellengai'ak ennengko'o aplhenammap Espíritu Santo —lhna aptaiangkok.

Hechos 2:38

Ka apkatemmoiangka lhnak Pedro m'a, lhna aptemak: —Eliaqmongkasekha mo'ok apvalho'ok, elvatesamok apkeltemakha ngkollatsekama, elteniamok nema allavkeskama konne iemmen akieplomo apvesai'a Jesucristo. Netamen Eniapom Neten etnama ta apankek meleliehekho apkellaskamakha, kakpota ellangkok na metka akianmoma Espíritu Santo.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

Hechos 4:8

Aplanei'avek nak apvalhok Espíritu Santo Pedro m'a, ka apkatemmoiangka lhnak ma'a, lhnak aptemak: —Ketlhengkap apkelemhama apmaniaie, kakpota nhan metno apketko'ok,

Hechos 8:15

Ka apkelvekho lhnak ma'a, apkelelmalhneskeskamo lhnak Eniapom Neten kakpota ellangkok Espíritu Santo apkellelto Jesucristo apkennemolhema m'a.

Galatas 3:2

¡Kolketamama koka apvalho'ok ketlhengkap! ¿Apketlhevai'a nke nlho Espíritu aniem'o ley, he? ¡Mma'! Vanlha apketlhevaiangko Espíritu aniem'o meliaskeiam ania'a aplhenammap Cristo.