Juan 20:2 - Nuevo Testamento Toba Maskoy

² Ka atkentamo lhna lhta apnakha Simon Pedro kakpota nhan po'ok apkeltameskama apkamelaianlha lhta Jesús, lhta ntak heng: —Nnek kelha aktalhnengvakmo nemakha akpekkanveianlha aphapak Apveske, nnek aksakho, mongeliohok na aknakha akpekkanvanlha' —lhta ntak.

Juan 20:2 Iomraidhean Croise

Juan 13:23

Neksa aptaveikokha lhta m'a, lhema apkeltameskama lhta apkamelaianlha apnema napokha Jesús ma'a, apielhakpo lhta Simon Pedro apto mok apophek apkeltemo enmalhnama Jesús apto apselhnanongkoma ta enenlhet.

Juan 19:26

Ka apvet'o lhta ngken Jesús ma'a aklhelhma lhema apkeltameskama apkamelaianlha, lhta aptak apkano: —Lheia, kotne ta atka ham —lhta aptak.

Juan 20:13

Lhna lhta aptaiangkok apkellanemo: —Ngkelvana, ¿se lha ntak akveno nak ke, he? —lhna lhta aptaiangkok. Ka atemmoiangka lhna lhta ma'a: —Nnek akvo'o aphapak Apveske ehenkok, moihok aknakha akpekkanvanlha' —lhna lhta ntemak ma'a.

Juan 20:15

Lhna lhta aptemak apkanemo: —Ngkelvana, ¿se lha ntak akveno nak ke, se lha enenlhet atamo nak ke? —lhna lhta aptemak ma'a. Koka lhna lhta ntemak atemmoiangka: —Lheiap kelha apsekhak Apveske ehenkok aphapak, heltennes no ko la apekkanveianlha' kakpota avakhak ko'o —lhna lhta ntemak ma'a. Mang na lhta nkoihamok mokhom Jesús noka nhan niekhe m'a, lhna lhtelha nkanemak enenlhet aptaqmelkeskama aniep ma'a.

Juan 20:9

Koka ma lhta eliangveiakmok aktemakha aklhenammalhko lhta mota Eniapom Neten apaivoma aktemakha aplhennammap Jesús elhatekhangvomok hata apieseksek apkenmaskengvaiakmo.

Juan 21:20

Apieplakhe lhta Simon Pedro m'a, neptamen alhta nhan apkeltameskama apkamelaianlha lhta Jesús, apnemo lhta nhan lheme apkelanei'o lhta nentoma aktaqmanma Pascua ankok ma'a, apkenmalhneiangka lhta nhan Jesús apto enenlhet apmahai'a eselhnana. Apvet'a lhta Pedro aplhekmo neptamen apkeltameskama lhta apkamelaianlha Jesús, lhta aptak apkenmalhnengka: —Apveske ¿Ko la ta ngkotnek apiaihekama enenlhet anak? —lhta aptak.

Juan 21:24

Ka apkeltameskama nak aptalheskama nhan lhamakho aktemakha ania'a nak, neliavek ennengko'o akto have niapak ankek ma'a.

Juan 21:7

Netamen apkeltameskama apkamelaianlha Jesús, lhta aptak apkano Pedro: —¡Apveske ha'e! —lhta aptak. Apleng'a lhta Simon Pedro m'a, kolhvavek anke lhta aptalhnakhak aptalhnema, apnelhtakho nhan nemmen.