Juan 20:19 - Nuevo Testamento Toba Maskoy

¹⁹ Pelhasep alhta aptak ma'a, apkaknakho lhta apkeltamesaikamok konne pa'at, apkellapakhave lhta atong ngkanek apkelemhama apmaniaie' judios alhta apkellak'ak ma'a. Mpelapkaske lhta aptalhnengvo'o Jesús ma'a, apkenengvakmo apieseksek apkaknakhelha, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 20:19 Iomraidhean Croise

Marcos 16:14

Netamen apvetaskesammakpo lhnak mokhom 11 apkeltamesaikamok ma'a, neksa aptaveikokha lhnak ma'a. Mang nak na enieskamak apatong Jesús apkelanei'o ngkanek apkeliaskeiakmek nak na apketlheianma apkeltemo lheme aptemakha apkelvetai'a aplhatekhangveiam ma'a, aniem'o nhan aliennaktema apvalho'ok.

Juan 14:27

Askellangkek altaqmelaikama apvalho'ok ketlhengkap, mankapvankek enenlhet elanak ma'a, vanlha koka ko'o evanke'. Moltama nkek apvalho'ok ketlhengkap, mellaga nkek nahan akmak'o ta nkova.

Juan 16:22

Nnavek na ketlhengkap, nkeliepvamengkek kolhvave nak, koka helvetakho ta mokhom nkolpaihekhak hata apvalho'ok, mamma ta nkomaskeksek alpaihakho ta apvalho'ok ma'a.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 20:26

Netamen ocho knem alhta nieka'ak ma'a, apkaknakho lhta mokhom apkeltamesaikamok Jesús lhema konne pa'at, Tomas alhta nhan kolhva m'a, apkellapakhave lhta mokhom atong ma'a. Koka aptalhne lhta Jesús konne m'a apkenenvakme lhta apieseksek ma'a, lhta aptak apkellano: —¡Altaqmelaikama apvalho'ok hata ketlhengkap hengke'e! —lhta aptak.

Juan 21:1

Netamen alhta mokhom ma'a, apvetaskesakpo mokhom Jesús apkeltamesaikamok akieto nekha alvata Tiberias, aleltennasama ta nhan ania'a aktemakha lhta akvetammalhka m'a.

Juan 21:14

Koka hengka hanetolhem'a lhta ntak aktaiekho apteiapvai'a napaqtavek apkeltamesaikamok Jesús netamen aplhatekhangveiam apieseksek apkenmaskengvaiakmo m'a.

Hechos 1:3

Apketsepmek nak Jesús ma'a koka netamen aplhatekhangveiakmo lhnak mokhom ma'a, 40 knem nak ngvaiakmok apkaniemhaikama mokhom apieseksek apkelapaskamo apanko'ok ma'a. Apkeleltennaseiangka lhna mota aktemakha aptema apveske Eniapom Neten, apkellanei'o nhan nkeskama qaselha kakpota elvetaskesangkok akto have niapak anke aplhatekhangveiakmo mokhom apieseksek apkenmaskengvaiakmo.

Romanos 15:33

Hai, askeltavek ko'o Eniapom Neten apto niapom aktaqmelaikama engvalho'ok, etnangkok hata mota nhan apketlhelhma'ak moklhem'a ketlhengkap ham. Amen.

1 Corintios 15:5

Netamen apvetaskesammakpo lhnak na Cefas ma'a kakpota nhan 12 apkeltamesaikamok alhta.

Efesios 2:14

Koka apiokha nak ma'a malha akleklema akhalhtemommalhka apkelhpankesammap apieseksek ma'a judios kakpota nhan metnangko nak judios aniem'o apkelammelhammap, apiepetkasekho lhta nhan po'ok ma'a aktaiekho malha lhema apkellavakha apasmekha, apkellaiangko nhan altaqmelaikama apvalho'ok ma'a.

Efesios 6:23

Hai, ntase', avanhek askeltemo Eniapom Neten kakpota nhan Jesucristo evaivesentak altaqmelaikama envalhok anak, nengasekhai'o kakpota nhan moniaskeiam takhaplhet'ok engelialheng'a ham.

Filipenses 1:2

Nengeleltavek Eniapom Neten kakpota nhan Apveske Jesucristo eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

2 Tesalonicenses 3:16

Hai, askeltavek Apveske apto aktaqmelaikama engvalhok aniapom ellangkok metka altaikama apvalho'ok neska akvai'a lhamakho aktemakha akientalhnema, etnangkok hata mota apketlhelhma'ak ma'a.

Hebreos 7:2

Apkaiangko lhnak na Abraham Melquisedec lhema nekha atkok akvesai'a diezmo aniem'o m'a apkel·hatsoskasekha qaselha apanko'ok apkennapommakpelha. Melquisedec koka nhan nema altema apiav'akha apveske apeivomo. Apiav'akha apveske nhan Salem nema altema koka apveske metka akmaska niapom.

3 Juan 1:14

Koka ntasek aniantak ham kakpota apaqmetkesama apiokha apankek lheiap.

Apocalipsis 1:4

Ko'o Juan nlhenkek evalhok siete iglesias akieto iokhalhma Asia, askeltavek ko'o enmankok takha altaqmanma apkellaniemhaikama kanhan altaqmelaikama apvalho'ok. Koka nkelleniemai'ak ma'a apto nak apnema, apnemo nhan tep nak nanek, apvekta ta nhan. Kanhan siete espíritus allelto m'a alloma mota naqtek aptanema apveske.