Juan 20:17 - Nuevo Testamento Toba Maskoy

¹⁷ koka Jesús lhna lhta aptemak apkanemo: —Mma', manghemangva', movakhak mokhom ko'o apnakha Tata. Koniakha koka koleltennaskakha askeltamesaikamok alhta, aniakhak hata apnakha Tata, ka Apiapma'ak na m'a, Eniapom Neten ehenkok, Eniapom Neten apanko'ok na m'a —lhna lhta aptemak.

Juan 20:17 Iomraidhean Croise

Marcos 12:26

Kolhva smak'ak alpeiveskasekha aktemakha nennaklhatekhangveiam neletsepo la'a. Kotlheianvakho ta nhan apvalho'ok ania'a aktalhesammalhka vakkahak apankok Moises, aktemakha alaivomo lhnak nanek iamet atkok ma'a, ka apaqmetkeskamo lhnak na nek na Eniapom Neten Moises ma'a: «Ko'o asto apiapma'ak apkelieihengka lheiap Abraham, Isaak kakpota nhan Jacob», lhnak na nek aptemak.

Marcos 16:19

Apsavhomo lhnak aktemakha apkeleltennasekama Apveske m'a, ka aknemo lhnak akiantemekho neten ma'a, apnekho nhan akiennakha apoktong Eniapom Neten.

Lucas 10:4

Melletsav ankek patakkom, aptekamok, mo'ok apnakteto apmankok. Melvenakteso nkek na apkelpaqmetkesammap apkelvetakpo la nalhet amai.

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 14:2

Avanhe lhma apnakha Tata, aniakhak hata ko'o m'a alpeneskasok hata apkakhaiangkelha ketlhengkap ma'a, have niapak ankek ma'a. Netamen avatamok hato ka mokhom kakpota alaqlosengvatak ketlhengkap ham, hata angaqhengvakhak ma'a.

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 20:27

Koka lhta aptak apkano Jesús Tomas: —Elanho no emeiok kakpota nhan neheqha, emangvom no eskepok ehenkok anak, mei'askakmok heto'o astema ehalhnankok mokhom —lhta aptak.

Juan 7:33

Apne lhtoka Jesús konne Eniapom Neten apnemakha, enenlhet alhta apketlhekmosak ma'a, lhta aptak: —Aloka ta mokhom apieseksek ketlhengkap akiakvatakho, kakpota ataqhok hata mokhom apnakha apto lhta heiapaskama.

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

2 Corintios 6:18

atnekhak hata apiapma'ak ketlhengkap, etnangkok na ketlhengkap eietkak apkelennava'ak kanhan ngkelvana'ak», lhnak nanek aptemak Apveske apto vanlha lhema aphapak aknema apmopvana apanke'.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Hebreos 11:16

Koka apkelleltemavek nak nanek elvetak mo'ok apkellavakha akieto m'a neten, ka ngkanek akhaiangka lhnak nanek na apvalhok Eniapom Neten ma'a aptemo apveske apanko'ok, apkelpeneskeskamo nhan lhema apkellavakha m'a.

Hebreos 8:10

Koka alanak hata mokhom alhnankok annemo mo'ok engvalho'ok nenmak'akha ta antangkok enenlhet'avok ko Israel, apekkenek hata ley ehenkok apqatko'ok, kanhan malha asnaktalheskeskama la ley apvalho'ok. Alleltok hata heleltangkok Eniapom Neten apanko'ok, aleltangkok hata nhan askennemolhema m'a.

1 Pedro 1:3

Angeliavenkaskesama ta apvesai'a Eniapom Neten apto apiapom apveske engankok Jesucristo ngkanek apietnai'avek nengaqta'a ennengko'o m'a, hengeltemeskesekho nhan malha la nempalleiam alhnankok aniem'o nhan aplhatekhangveiam Jesucristo. Kolhva nhan nnaiangkok ennengko'o alel·halhnekama engelvalho'ok have niapak anke

1 Juan 3:2

Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

Apocalipsis 21:3

Asleng'o lhta nhan nema aliatekama akiennaktema nkek aniem'o m'a neten, lhta ntak: —Ka natemma apankok Eniapom Neten ham, elloka ta lhemek enenlhet'avok ma'a, etnek hata nhan Apveske apanko'ok ma'a, etnangkok hata nhan apkennemolhema.

Apocalipsis 21:7

Enenlhet apiephongveiakmo la'a, angvangkok hata lhamakho qaselha aktaqmanma, hetnek hata nhan Eniapom Neten apankok, atnek hata nhan eietka.